DGEMs

Maluk sira mak Kristu hadomi,

“Jesus nia Domin kompaisivu”: Iha Evangelho ohin, Jesus kuraliurai nia emar ida nia-oan mane ne’ebé besik atu mate. Reflete; “iha forma hanesan, iha Jesus nia domin kompaisivu ba ita, Nia mós sei kura ita husi ita nia moras sira; husu de’it ita nia fiar iha Nia, no fiar ne’ebé sincerio no profundo. Nune’e kura sira ne’e iha objetivu ida hodi aprofunda ita nia domin ba Nia; no lori ita moris lialos Na’i nian - nu’udar prezente salvasaun rohan la’ek ida.”

To’o tiha Galileia, ema Galileia sira simu Nia di-diak, tamba sira haré ona buat hotu ne’ebé Nia halo iha Jerusalem, basa sira mos ba tuir festa. Jesus fila fali ba Kana Galileia, iha ne’ebé Nia halo be nakfila ba tua. Iha Kafarnaum, iha liurai nia emar ida ne’ebé nia oan mane moras. Rona tiha katak Jesus to’o ona Galileia housi Judeia, ema ne’e ba hasouru Nia hodi husu ba Nia atu mai fó isin diak ba nia oan, ne’ebé besik atu mate. 

Jesus hateten ba nia: “Imi la haré karik sinal no milagre sira, imi la fiar.” Liurai nia emar ne’e hatan ba Nia: “Na’i, tun lalais molok ha’u nia oan mane ne’e mate.” Jesus dehan ba nia: “Ba, o nia oan moris.” Ema ne’e fiar liafuan ne’ebé Jesus hateten ba nia, hodi fila fali ba uma. Nia sei la’o dau-daun, nia atan sira hasouru nia hodi dehan katak nia oan sei moris hela. 

Nia husu ba sira iha sa oras mak nia oan hahu sai diak fali. Sira dehan: “Horse’ik besik tuku ida isin manas husik nia.” Aman ne’e hatene kedas katak lo-los iha oras neba mak Jesus dehan ba nia: “O nia oan moris.” Ne’e duni, nia ho nia familia tomak fiar.