DGEMs

Maluk sira mak Kristu hadomi,

Na’i laran-luak - “Filho Pródigo”: Iha Evangelho ohin, oan mane kiik ne’ebé arogante, halo naben hotu nia aman nia riku-soin sira ho moris ne’ebé la diak. Nia experiêmenta konversaun husi fuan, hodi fila fali ba nia Aman. Reflete; “Aman, representa ita nia Aman ne’ebé nakonu ho laran luak, halai ba hasoru nia husi uma, re-estabelese nia filiasaun; halo festa boot hodi selebra nia oan ne’ebé fila fali mai uma.”

Jesus lia tun ba Fariseu no Escriba sira: “Ema ida iha oan mane Na’in rua. Ida kiik dehan ba nia aman: ‘Aman, fó mai ha’u buat ne’ebé ha’u nian.’ Aman ne’e fahe tiha nia rikusoi ba sira. Liu tiha loron ruma, oan kiik ne’e halibur nia rikusoi tomak, hodi ba rai dook ida; iha neba nia halo naben nia rikusoi tomak, hodi moris aat liu. 

Nahas tiha nia sasan tomak, rai neba hamlaha boot. Nia mos hahu hetan susar. Tan ne’e nia husu serbisu ba ema rai Na’in ida, ne’ebé haruka nia ba hein fahi iha nia to’os. Nia kaan atu han fahi etu, maibé ema ida la fó buat ida. Nee duni, nia hanoin, hodi dehan ba nia an: ‘Ha’u nia aman iha atan barak ne’ebé la kuran aihan; ha’u fali iha ne’e atu mate hamlaha. Ha’u sei hamriik hodi ba koalia ho ha’u nia aman dehan: ‘Aman, ha’u sala hasouru lalehan no hasouru ita. Ha’u la soi ona atu ita bolu ha’u oan. Haré de’it ha’u nudar ita nia atan ida.’ Nune’e, hamriik tiha, nia ba hasouru nia aman. 

Nia sei dook hela, nia aman haré ona nia, hanoin teb-tebes nia, hodi halai ba hasouru nia, hakoak no rei nia. Lori mai karau oan bokur ida atu oho. Ita sei han hemu hodi halo festa. Basa ha’u nia oan ida ne’e mate tiha, moris fali; nia lakon tiha, hetan fali.’ No sira hahu halo festa.”