DGEMs

Maluk sira mak Kristu hadomi,

“Fé hipókrita”: Iha Evangelho ohin, ko’alia kona-bá fariseu sira nia fé hipocrita, halo nia hodi julga ho aat tebes kobrador impostu tamba nia salan sira. Maibé, kobrador de impostu; sala nain públiku ne’e, husu Na’i nia perdaun laran-luak nian, ho humildade. Reflete; “Na’i sei haksolok liu hodi simu sala nain ida be’ebé arrepende do que ema sira ne’ebé moris ho fé hipokrita, ne’ebé julga no kondena ema seluk.”

Jesus hafoin haktuir tan aiknanoik ida ne’e ba ema balun ne’ebé foti an hodi hanoin katak sira ema santu, no hakribi ema seluk: “Ema Na’in rua sa’e ba templu atu harohan: ida fariseu, ida seluk publikanu. 

Fariseu ne’e hamriik tiha, hodi harohan nune’e: ‘Na’i Maromak, ha’u agradese Ita Boot, basa ha’u la’os hanesan ema seluk: sira mesak ema na’okten, kaanten, laran foer; ha’u la hanesan mos ema publikanu ne’e. Ha’u hadera an semana ida dala rua. Ha’u selu impostu housi ha’u nia rikusoi tomak.’ Publikano fali hamriik dook, la berani atu foti matan, maibé baku de’it nia hirus matan dehan: ‘Na’i Maromak, sadia atan ha’u, ema maksalak!’ Tebes, Ha’u dehan ba imi katak ema ne’e fila ba uma los ona, ida seluk lae. Basa ema ne’ebé foti an, Na’i sei hatun nia; no ema ne’ebé haraik an, Na’i sei foti nia.”