DGEMs

Maluk sira mak Kristu hadomi,

“Fé, Esperansa, Domin ba Na’i”: Iha Evangelho ohin, ema Eskriba ida husu Jesus, “ukun-fuan ida ne’ebé mak boot liu husi ukun-fuan sira hotu,” nia rasik hatene hela resposta. No, Jesus louva nia, “Ita boot la do’ok husi Na’i nia Reino.” Reflete; “Na’i mós haraik ona mai ita Espírito Santo ho haroman, enkoraza no haforsa ita hodi hela iha Nia Lialos; ita buka Na’i nia hakarak ho sinseridade no profundo?”

Eskriba ida, ne’ebé rona Nia koalia no haré oin sa Jesus hatan diak los ba sira, mai hakbesik Nia hodi husu, “Ukunfuan uluk liu hotu mak ida ne’ebé los?” Jesus hatan, “Ida ne’ebé uluk liu mak: ‘Rona ba, Israel. Na’i, ita nia Maromak, mak Na’i ida mesak. O sei hadomi Na’i, o nia Maromak ho o nia fuan tomak, ho o nia klamar tomak, ho nia hanoin tomak no ho o nia kbiit tomak.’ Ida tuir nia mak ne'e: ‘O sei hadomi o nia maluk nudar o nia an rasik. La iha tan ukunfuan ne’ebé boot liu sira ne'e.” 

Eskriba ne'e dehan ba Nia, “Diak, Mestre.  Ho lialos, Ita dehan katak Maromak ida de’it; la iha tan ida seluk, Nia mesak de’it. 33Hadomi Nia ho fuan tomak, no ho hanoin tomak no kbiit tomak, no hadomi maluk hanesan an rasik mak boot liu buat karan sunu no sakrifisiu hotu.” 

Jesus, haré katak nia koalia ho matenek, dehan ba nia, “O la dook housi Maromak nia reinu!” La iha tan ema ne’ebé berani atu husu buat ruma ba Nia.