DGEMs

Maluk sira mak Kristu hadomi,

“Arrependimentu – Fé”: Iha Evangelho ohin, Jesus relata “Parábola kona-bá Ai Figueira” ba Judeu sira no fó hanoin ba sira kona-bá sira nia rekuja hodi arrepende ba sala sira.Reflete; “Na’i nakonu ho Laran Luak,” maibé se ita foti nia domin Laran-luak la ho seriedade, no lakoi atu muda ita nia dalan sira salan nian, tan ne’e, ita tenke simu konsekuensia sira husiNa’i nia Justica. Na’i hakarak los ita nia konversaun.

Iha loron neba ema mai fó hatene ba Nia kona-bá ema Galileia sira ne’ebé Pilatos haruka kahur sira ran ho balada sira nia ran, ne’ebé sira hasa’e ba lulik. Jesus hatan ba sira: “Imi hanoin katak ema Galileia sira ne’e aat liu fali ema Galileia sira seluk tamba sira terus nune’e? Lae, Ha’u dehan ba imi; maibé imi la hakribi karik imi nia sala, imi mos sei mate hanesan sira. 

Nia dehan tan aiknanoik ida ne’e: “Ema ida kuda tiha ai figueira ida iha nia to’os. Loron ida nia ba buka nia aifuan, maibé la hetan. Tan ne’e, nia hateten ba to’os atan: ‘Tinan tolu ona ha’u mai buka aifuan iha aihun ne’e, maibé la hetan ida. Tesi tiha nia! Tansa nia susu le’et rai bokur?’ Maibé to’os atan hatan: ‘Na’i, husik nia tinan ida ne’e tan, atu ha’u sei ke’e hadulas nia hun hodi tau mos rai metan. Tinan mai nia sei fó fuan karik, diak; lae karik, mak ha’u sei tesi tiha nia.’”