2ª Semana tempo quaresma: Sesta-feira, loron 21 fulan Marsu 2025, March 21, 2025

Reflection on the WORD

Maluk sira mak Kristu hadomi,

“Responsibilidade – Gratidaun ba Na’i” – Fé: Iha Evangelho ohin, Jesus ko’alia uza “Parábola ida kona-bá Toos atan” ba ulun saserdote sira nian no katuas sira. Jesus fó sai hahalok at husi sira nia kanten ba rikusoin no poder; nune’e sira hakarak atu oho Messias. Reflete; “Ita presiza atu uza Bensaun Na’i nian ne’ebé abundante tebes, ho profundu gratidaun atu louva, reverência no serbí Nia iha tempo tomak.”

Mt 21:33-38,42-43

Jesus lia tun ba sacerdote no ema katuas sira: “Rona tan aiknanoik ida ne’e. Ema ida kuda uvas iha to’os ida. Hale’u tiha ho lutu, nia ke’e fatin sama uvas ida iha to’os laran hodi harii uma aas ida; nia saran ba ema sira, hafoin nia ba rai dook ida. 

To’o tempu atu ku’u uvas nian, nia haruka nia atan atu ba husu buat ne’ebé monu ba nia. Maibé ema sira ne’e kaer atan sira, baku ida, oho ida seluk, tuda ida seluk tan. Tuir mai nia haruka tan atan sira seluk, barak liu fali sira uluk, maibé ema sira halo mos nune’e ba sira. Ikus mai nia haruka nia oan rasik hodi dehan: ‘Sira sei hamtauk ha’u nia oan.’ Maibé haré tiha nia oan, ema sira dehan ba malu: ‘Ida ne’e mak liman rohan Na’in. Ita oho nia ba, atu ita sei manan nia liman rohan.’

Jesus dehan ba sira: “Imi seidauk le’e Eskritura sira, ‘Fatuk ne’ebé badaen sira hewai nakfila fali ba fatuk inan? Ne’e, buat ne’ebé Na’i halo, kmanek tebes duni ba ita matan. “Tan ne’e Ha’u dehan ba imi katak Maromak nia reinu sei hasai tiha housi imi hodi fó fali ba povu ida ne’ebé sei fó fuan.”

Today's Pointers on God's Word

As you read the passage what words, phases or meanings caught your attention?

  • Parábola ida ne’e ajuda ita atu reflete kona-bá grasa no besaun abundante sira ne’ebé Na’i fó tiha ona mai ita ne’ebé suli ba ita ho maneira ne’ebé oi-oin: família ne’ebé diak, isin diak, serbisu no ida ne’ebé furak liu hotu mak prezenti fiar nian.
  • Mai ita reflete ba lia los ida ne’e no husu ba ita nia-an, ba forma saida de’it mak ita sei sai, ita sei komporta nu’udar toos atan iha parábola – kanten, ambisiozu, no egoismo, to iha kusta Lia Foun Diak Salvasaun nian, Na’i mak sei oferese mai ita. 
  • Especialmente durante tempo Quaresma nian ne’e, mai ita husu ba Na’i atu ajuda ita atu sai ema ne’ebé hatene agradese liu ba Nia ba nia bensaun sira no atu dezenvolve relasaun ida ne’ebé besik liu tan ba Nia Oan nu’udar ita nia Salvador.