2ª Semana tempo quaresma: Segunda-feira, loron 17 fulan Marsu 2025, March 17, 2025
Reflection on the WORD
Maluk sira mak Kristu hadomi,
“Kompaisaun no Perdaun” – Fé: Iha Evangelho ohin, Jesus lia tun ba nia discípulu sira, “Labele julga, nem kondena; perdua no ita sei hetan perdaun.” Reflete; “Wainhira ita hatudu kompaisaun ba ema sira ne’ebé sofre hela, ita fahe Na’i nia Dame no ita mos sei simu Na’i nia Dame.“Dame ida ne’e” sei metin liu tan, wainhira (kada momentu) ita perdua; no sei transforma ba Na’i Ninia Ksolok.
Lk 6:36-38
Jesus lia tun ba nia escolante sira dehan: buka sai ema laran luak hanesan imi nia Aman laran luak. Keta hanoin aat ema, no ema sei la hanoin aat imi; keta duu matak ema, no ema sei la duu matak imi. Fó perdua ba, no imi sei hetan perdua.
Fó ba, no imi sei simu; ema sei tau ba imi nia liman buat diak barak, hanehan tun, doko tan to’o naresin. Basá imi sura oin sa ba ema, nune’e mos ema sei sura ba imi.”
Today's Pointers on God's Word
As you read the passage what words, phases or meanings caught your attention?
- Jesus hanorin ita kona-bá nesesidade atu fó perdaun ba ema seluk atu nune’e bele simu Na’i Ninia perdaun. Se ita la perdua ema seluk, nune’e ita nia fuan seidauk arepende lolos ba buat at sira ne’ebé ita halo ona.
- Se ita la arrepende, nune’e mós ita labele sai ema ne’ebé receptivo ho genuino Na’i nia perdaun.
-
Jesus Nia doutrina ida ne’e, fó hanoin ita katak Na’i nia Justisa mós kuida no respeita ba ema seluk nia direitu ne’ebé ita halo moras ona. Na’i hakarak ita atu hakat to ba ema sira hanesan ne’e no reconcilia ho sira. Ita nia fiar iha Na’i presiza lori dame ba iha ita nia relasaun ho ema seluk.