1ª Semana tempo quaresma: Kinta-feira, loron 13 fulan Marsu 2025, March 13, 2025

Reflection on the WORD

Maluk sira mak Kristu hadomi,

“Fiar iha Jesus” – Fé: Iha Evangelho ohin, Jesus lia tun ba Nia discípulu sira ho klaridade ne’ebé boot, katak Na’i ita nia Aman nunka failla atu responde ba ita nia orasaun sira. Refleta; “mai ita, aprofunda liu tan ita nia fiar iha Na’i; ho gratidaun ba Na’i nia Domin tomak. Ita nia moris mak atu glorifika Na’i ho ita nia fiar. Ita labele monu ba tentasaun sira hodi uza Na’i Maromak ba ita nia nesesidade pessoal sira ne’ebé konsentra hotu iha ita nia-an.”

Mt 7:7-12

Jesus lia tun ba nia discípulu sira: “Husu ba, imi sei simu; buka ba, imi sei hetan: tuku odamatan ba, odamatan sei nakloke ba imi. Basa ema ne’ebé husu sei simu; ema ne’ebé buka sei hetan; no ba ema ne’ebé baku odamatan, odamatan sei nakloke ba nia. 

    Imi ida ne’ebé, wainhira nia oan husu paun, sei fó fatuk ba nia? Ka, wainhira husu ikan, sei fó samea ida ba nia? Ne'e duni, imi sira ne’ebé aat hatene fó buat diak ba imi nia oan sira, liu tan mak imi nia Aman iha lalehan sei la fó buat diak ba sira ne’ebé husu ba Nia!”

Ne'e duni, buat hotu ne’ebé imi hakarak ema halo ba imi, imi mos halo ba sira; basa ne'e mak ukunfuan no Profeta sira.”

Today's Pointers on God's Word

As you read the passage what words, phases or meanings caught your attention?

  • Iha Evangelho ohin nian Jesus garantia ba ita katak wainhira ita husu buat saida de’it ba ita nia Aman, Nia sei haraik ba ita ida ne’ebé “diak liu” husi buat hotu ne’ebé ita presiza iha ita nia moris. 
  • Ita presiza de’it atu husu iha espíritu ida iha fiar ida ne’ebé kompletu no dependência iha Na’i no husik frutu husi ita nia orasaun iha Ninia providência. 
  • Buat saida mak ita boot husu ba Na’i ita tempo Quaresma ne’e? ita boot prontu ba saida mak Na’i  iha nia “rezerva” ba ita?  Reflete ba ita nia moris no iha konversa ho Na’i husi fuan ba fuan.