DGEMs

Maluk sira mak Kristu hadomi,

“Harohan ho intensaun” – Fé: Iha Evangelho ohin, Jesus hanorin Nia discípulu sira atu reza ho intensaun, liu husi orassaun “Ami Aman”. Reflete; “harohan ho intensaun, maka buka Na’i nia hakarak ho sinsieridade no humildade; louva Na’i no buka Nia perdaun; no entrega ita nia moris ba Ninia kuida no domin providencial. Tan ne’e ‘orasaun ne’e’ boot liu fali husu Na’i favour, kura, no ita nia nesesidade sira.”

Jesus lia tun ba ia escolante sira dehan; wainhira imi reza, keta koalia barak hanesan gentiu sira; sira hanoin katak ho sira nia liafuan bar-barak, Na’i sei rona sira. Keta halo hanesan sira basa imi nia Aman hatene buat ne’ebé imi kuran molok imi husu ba Nia. Ne'e duni, harohan nune'e ba: 

            ‘Ami Aman iha lalehan, halo Ita naran sai santo. Halo Ita nia reinu to'o mai ami; halo tuir Ita nia hakarak ba iha rai nudar iha lalehan. Haraik aihan loron loron nian mai ami. Haraik perdua ba ami nia tusan, nudar ami perdua sira ne’ebé iha tusan ho ami. Keta husik ami monu ba tentasaun, maibé hasai ami housi buat aat.

Basa imi perdua karik ema sira nia sala, imi Aman iha lalehan mos sei perdua imi nia sala sira. Maibé imi la perdua karik ema seluk, imi nia Aman mos sei la perdua imi nia sala sira.”