1ª Semana tempo quaresma: Domingo, loron 09 fulan Marsu 2025, March 9, 2025

Reflection on the WORD

Maluk sira mak Kristu hadomi,

“Tentasaun sira” – Fé: Iha Evangelho ohin, diabu tenta Jesus. Diabo tenta konvense Jesus atu desisti Jejum, tamba Jesus hamlaha tebes. No, tenta ho honra sira kona-bá possesaun mundo nian, liu husi nia alegasaun falsu sira katak Jesus maka nain ba sira. Reflete; “Tentasaun sira maka falsidade sira ne’ebé dada ita tama iha fantasia oin-oin kona-bá ita nia imaginasaun sira, no ba frakeja sira iha ita nia gratifikasaun sira. Ita nia realidade lolos iha moris maka Na’i nia Salvasaun ne’ebé rohan laek”

Mt 4:1-3a, 7-11

Liu tiha ne'e, Espíritu lori Jesus ba rai fuik maran, atu diabu babeur Nia. Ba loron haat nulu no kalan haat nulu, Nia hadera an. Ikus mai Nia hamlaha. 3Diabu hakbesik ba Nia hodi dehan: “O Maromak nia Oan karik, haruka fatuk sira ne'e nakfila ba paun.”

Jesus hatan ba nia: “Hakerek nanis mos ona: ‘O keta babeur Na’i, o nia Maromak.’”

               Hafoin diabu lori Nia ba foho aas liu hodi hatudu ba Nia mundu nia reinu hot-hotu ho nia glória, 9hodi dehan ba Nia: “Buat sira ne'e hotu ha'u sei fó ba O, naran O hakneak hodi adora ha'u.” 

                    Ho ida ne'e, Jesus dehan ba nia: “Dook tiha, Satanas, basa hakerek ona: 'O sei adora o nia Na’i, o nia Maromak; Nia de’it mak o sei hanai.” 11Nune'e, diabu husik tiha Nia, anju sira mai serbi Nia.

Today's Pointers on God's Word

As you read the passage what words, phases or meanings caught your attention?

  • Durante Jesus hetan tentasaun sira, Nia hasoru primeiro teste ba nia nesesidade bázika sira ba hahan i.e. hamlaha. Nune’e, Nia hasoru teste ba possessaun sira mundu nian, no finalmente hasoru teste iha orgulho, ne’ebé dehan Nia mak Maromak Oan Mane no katak Maromak Aman sei la husik Nia hetan susar.
  • Tentasaun sira ne’e la’os buat at iha sira nia-an. Ida ne’e wainhira ita fó-an ba tentasaun sira ne’e no husik sira kontrola ita iha ne’ebé ita halo fraku ita nia relasaun ho Maromak.
  • Iha tempo quaresma ne’e, mai ita resolve, liu husi grasa Na’i nian, atu ita konsiente liu tan kona-bá oinsa tentasaun oi-oin bele distrai no lori dook ita atu moris tuir Na’i nia dalan sira.