Tempo Quaresma: Kinta-feira depois das Cinzas, loron 06 fulan Marsu 2025, March 6, 2025

Reflection on the WORD

Maluk sira mak Kristu hadomi,

Mistériu Salvasaun nian: Iha Evangelho ohin, Jesus profetiza kona-bá Liafoun Diak Salvasaun nian; Nia sei mate no moris hias fali iha loron tolu. Ema sira ne’ebé hakarak sai Nia discípulu, presiza iha mós kompromisu total ida ba Ninia causa. Reflete; “ita prontu atu iha kompromisu ida hanesan ne’e iha ita nia fiar hodi la’o tuir Jesus? Se nune’e, Na’i Maromak sempre haraik mai ita grasa sira ne’ebé ita presiza.”

Lk 9:22-25

Jesus lia tun ba nia escolante sira dehan: “Oan Mane sei terus barak: katuas sira, amlulik boot no eskriba sira sei hakribi Nia hodi oho Nia; no liu tiha loron tolu Nia sei moris hi’as.”

Jesus dehan ba sira hotu: “Ema ruma hakarak tuir Ha’u karik, nia sei hewai nia an rasik, kaer nia krus loron loron nian hodi tuir Ha’u. Basa ema ne’ebé hakarak soi nia moris, sei lakon moris ne’e; maibé ema ne’ebé lakon nia moris tamba Ha’u, sei soi nia moris. Ema manan sa ida wainhira nia manan mundu tomak, maibé lakon nia an rasik?

Today's Pointers on God's Word

As you read the passage what words, phases or meanings caught your attention?

  • Kristu lori nia Kruz atu salva ema hotu. Kruz hira mak iha ita nia moris ne’ebé Jesus haruka ita atu lori? Ita prontu atu simu sira hodi la’o tuir Kristu no hetan moris rohan la’ek? 
  • Atu lori Jesus nia oferta mak atu envolve iha kompromisu ida ne’ebé mak sei la nahas. Laiha “investimentu sira” iha mundu sekular ne’ebé mak bele fó ba ita hanesan benefísiu sira. 
  • Harohan atu orasaun St. Inácio de Loyola nian atu ajuda ita, fó ita nia-an, “foti ba, Na’i, no simu ba ha’u nia Liberdade tomak, ha’u nia memória, ha’u nia matenek, no ha’u nia hakarak tomak, buat hotu ne’ebé ha’u iha no ha’u nian. Ha’u hasae fila fali bai ta boot. Halo buat hotu ne’e tuir ita nia hakrak. Haraik mai ha’u ita nia domin no grasa, ne’e to’o ona mai ha’u.