8ª Semana Tempu Komún: Tersa-feira, loron 04 fulan Marsu 2025, March 4, 2025
Reflection on the WORD
Maluk sira mak Kristu hadomi,
“Kompromisu” - Fé: Iha Evangelho ohin, Jesus proklama Evangelho radikal ida kona-bá Salvasaun Rohan la’ek ne’ebé exige mósita atu koloka Nia no Evangelho sira; iha Sentru no objetivo principal iha ita nia moris. Reflete; “Jesus espera katak kompromisu sira hanesan ne’e inklui ita nia disponibilidade atu moris tuir Na’i nia hakarak, tuir ita nia domin ba Nia; maiske ita enfrenta dezafiu ne’ebé halo ita fuan moras. Harohan ba sabedoria divina ida ne’e.”
Mk 10:28-31
Pedro simu hodi dehan ba Jesus, “Ami husik buat hotu hodi tuir Ita.” Jesus hatan, “Tebes Ha’u dehan ba imi; la iha ema ne’ebé husik uma, maun alin, bin feton, inan, aman, oan sira ka to'os tamba Ha’u no tamba liafuan diak, ne’ebé sei la simu iha tempo ne’e uma, maun alin, bin feton, inan, oan no to'os sira dala atus ida liu fali uluk nian hamutuk ho susar oi-oin, no iha tempu ne’ebé atu mai, moris rohan laek. Maibé, ema barak ne’ebé uluk sei sai ikus, sira ne’ebé ikus sei sai uluk.”
Today's Pointers on God's Word
As you read the passage what words, phases or meanings caught your attention?
- Pedro husu ba Jesus saida mak nia no apóstulu sira bele espera atu menan/ganha hodi husik buat hotu no la’o tuir Nia tamba Jesus dehan ona ba mane riku loron liu-ba hodi fan riku soin hotu ne’ebé nia iha hodi la’o tuir Jesus.
- Em vez de hirus Pedro, Jesus assegura ba nia katak nia sei rekompensa iha rai no iha lalehan. Ita sira ne’ebé, serbí ema seluk tamba iha domin ba Na’i, hatene didiak lialos kona-bá Jesus nia promesa sira.
-
Buat saida maka ita husik tiha ona ba kotuk atu nune’e ita bele la’o tuir Jesus besik liu tan? Saida mak ita senti defícil tebes atu “husik” iha ita nia moris? Harohan ba grasa atu labele kaer metin ba buat saida de’it ne’ebé prevene ita atu sai ema ne’ebé iha “afesaun” ba moris ida no serbí Na’i ho ita nia fuan tomak.