7ª Semana Tempu Komún: Sábado, loron 01 fulan Marsu 2025, March 1, 2025
Reflection on the WORD
Maluk sira mak Kristu hadomi,
“Labarik Ki’ik sira” – Fé: Iha Evangelho ohin, discípulu sira hirus parenti sira tamba lori sira nia oan ba Jesus. Maibé, Jesus lia tun ba sira dehan, “ema ida la simu Reino Na’i nian, hanesan labarik ki’ik ida, nia sei nunka tama iha lalehan.” Reflete; “hanesan ema adultu, ita iha tendênsia atu iha pre-konseitu barak no justifikasaun sira ne’ebé disturba ita nia loke-an ba Na’i Nia Reinu. Harohan atu hetan “fiar hanesan labarik sira ne’e ” nian ida.
Mk 10:13-16
Ema lori labarik sira ba atu Nia tau liman ba sira. Maibé eskolante sira si’ak sira. Wainhira Jesus haré sira, Nia hirus hodi dehan ba sira, “Husik labarik sira mai hakbesik Ha’u; keta taka dalan ba sira. Lo-los, reinu lalehan ba sira ne’ebé hanesan ne'e. Tebes Ha’u dehan ba imi: Ema ne’ebé la simu Maromak nia reinu hanesan labarik oan ida, nia sei la tama iha neba.” Hafoin, Nia hakoak labarik sira, tau liman ba sira hodi fó bensa ba sira.
Today's Pointers on God's Word
As you read the passage what words, phases or meanings caught your attention?
-
Jesus simu labarik sira hodi dehan ba nia discípulu sira atu lori ki’ik oan sira ba Nia. Jesus iha fatin especial ida iha nia fuan ba labarik sira tamba sira inocente, impressionavel no vulneravel.
- Dala hira ona mak ita haré labarik sira hetan hirus tamba halo barulho durante selebrasaun Eukarístika? Iha ne’ebé parente no ema boot sira sensitivu hela ba barulho ne’ebé sira nia oan sira halo iha Igreja, ema sira seluk presiza mós tolera liu tan no iha atitude kuida nian ba labarik sira.
- Ita simu labarik sira iha ita nia Igreja sira no iha uma sira? Husu grasa sira ne’ebé ita presiza husi Na’i hodi hadomi labarik sira no forma sira nia-an tomak tuir Na’i nia dalan.