7ª Semana Tempu Komún: Kuarta-Feira, loron 26 fulan Fevereiro 2025, February 26, 2025
Reflection on the WORD
Maluk sira mak Kristu hadomi,
“Unidade iha Fiar”:Iha Evangelho ohin nian, João dehan ba Jesus katak sira hapara mane ida ne’ebé duni sai diabu hodi Jesus Nia naran, basá ema ne’e la hola parte nu’udar Jesus Nia apóstolu. Jesus haklaken ba sira katak “Ema ne’ebé la halo aat hasouru ita, nia ita nian.” Reflete, “Wainhira ita moris tuir Jesus Nia Evangelho, ita tenki harí unidade ho ema ida-idak, rasa no relijiaun no nunka sai abut ba divizaun sira.
Mk 9:38-40
Ema nebe la funu hasouru Nia
38Joao hasa’e lia ba Nia, “Mestre, ami hare ema ida nebe duni sai diabu hodi Ita nia naran. Nia la la'o ho ita, tan ne'e ami bandu tiha nia.” 39Maibe Jesus hatan, “Keta halo nune'e, basa ema ida la bele halo milagre hodi Ha’u nia naran hafoin hateten aat kedas Ha’u. 40Ema nebe la aat hasouru ita, nia ita nian.
Today's Pointers on God's Word
As you read the passage what words, phases or meanings caught your attention?
- Iha Kristaun barak no fiar na’in sira hosi relijiaun sira seluk hanesan Budista, Hindusta, Musulmanu, no seluk tan, ne’ebé halo dau-daun serbisu di’ak no serbí ema mukit sira no bem komún ema hotu nian.
- Ita tenki aprende hosi sira no mos apoiu sira wainhira ita bele tanba ita hotu serbí dau-daun umanidade ne’ebé hanesan nu’udar Maromak Nian oan sira.
- Husu Na’i, atu haraik grasa sabedoria no loke-an hodi hare Kristu Nia Espíritu prezente iha ema hotu, atu nune’e, maske ho ita nia diferensas iha fiar, ita bele halo nafatin di’ak sein iha divizaun tanba diferente iha fiar hosi relijiaun sira.