DGEMs

Maluk sira mak Kristu hadomi,

Fiar-Naroman Lialós nian”:Iha Evangelho ohin nian, Pedro hetan inspirasaun hosi Espíritu Santu Aman Maromak Nian iha lalehan hodi proklama katak ‘Kristu, Maromak Moris Nia Oan Mane. Reflete, Espíritu Santu mak inspira ita kona-ba Lialos Maromak Trindade. Wainhira ita fielmente moris tuir Evangelho, Espíritu Santu sei hakbiit mós ita atu sai sasin ba Jesus Nia Lialos ho inspirasaun boot liu-tan.

Pedro nia fiar

13To’o tiha rai Sesareia Filipe nian, Jesus husu ba nia eskolante sira: “Ema sira dehan Oan Mane ne’e se los?”  14Sira hatan; “Balun dehan katak Nia mak Joao Baptista, seluk katak Elias, seluk fali katak Jeremias ka profeta ruma.” 15Jesus dehan ba sira; “Imi fali? Imi dehan Ha’u se?” 16Simao Pedro simu hodi dehan: “Ita Boot mak Kristu, Maromak moris nia Oan.” 17Jesus hatan ba nia : “Ksolok ba o, Simao, Jonas nia oan, basa la’os isin ka ran mak hatudu buat ne’e ba o, maibe Ha’u nia Aman nebe iha lalehan. 18Ha’u dehan fali ba o, ‘O Pedro, no iha fatuk ne’e nia leten Ha’u sei harii Ha’u nia kreda; infernu nia odamatan sira sei la bele halo buat ida hasouru nia. 19Ha’u sei fo siabe reinu lalehan nian ba o; buat hotu nebe o futu iha rai, sei futu mos iha lalehan; no buat hotu nebe o kore iha rai, sei kore mos iha lalehan.’”