DGEMs

Maluk sira mak Kristu hadomi,

“Pedro nia Fiar”:Iha Evangelho ohin nian, Jesus haksi’ak Pedro basá nia koko atu hapara Jesus ne’ebé atu moris tuir Maromak Nia providénsia katak Jesus terus tanba persegisaun, mate no moris hiasiha loron tolu. Pedro halo ida ne’e tanba nia iha domin ne’ebé profundu ba Jesus. Reflete, Jesus fo hanoin ita atu diserne liu-tan iha ita nia lia-fuan sira no esforsu sira, basá intensaun sira di’ak mesak de’it la nesesariamente serbí Maromak Nia hakarak.

Pedro nia lia sasin 

27Jesus no nia eskolante sira la'o ba knua sira Sesareia Filipe nian. Tuir dalan, Nia husu Nia eskolante sira hodi dehan: “Ema sira dehan katak Ha’u se los?” 28Sira hatan, “Joao Baptista; balun Elias, seluk fali, ema duina ida.” 29Hafoin Nia husu sira, “Imi dehan Ha’u se los?” Pedro hatan, “Ita boot mak Kristu.” 30Jesus haruka sira la bele koalia ba ema ida kona ba Nia.

Jesus koalia kona ba Nia terus no mate 

31Tuir mai, Nia hahu hanorin sira: Oan Mane sei terus barak. Katuas sira no amlulik  boot sira ho eskriba sira sei hakribi Nia, sei oho Nia, maibe liu loron tolu Nia sei moris hi’as. 32Nia fo hatene sai mo-mos ida ne'e kedas ba sira. Pedro hadook Nia housi sira nia maluk hodi haksi’ak Nia. 33Maibe Nia fila ba kotuk, hateke ba nia eskolante sira no si’ak Pedro dehan: “Ba Ha’u nia kotuk, Satanas, basa o la hanoin buat nebe Maromak nian maibe buat nebe ema sira nian.”