6ª Semana Tempu Komún: Segunda-Feira, loron 17 fulan Fevereiro 2025, February 17, 2025
Reflection on the WORD
Maluk sira mak Kristu hadomi,
“Fiar ne’ebé loos”: Iha Evangelho ohin nian, Farizeu sira ezije sinál ida hosi Jesus, atu koko Nia. Jesus rejeita monu ba sira nia lasu no hadook-an hosi sira. Reflete, "Ita-nia konfiansa iha Maromak Nia Providénsia, atu proteje no haraik mai ita-nia nesesidade hotu kle’an los ka lae? Ita 'koko' Maromak Nia Domin no Mizerikórdia, hodi hein katak Maromak sei haraik mai ita saida mak ita husu no hakarak, se lae ita sei hadomi Nia naton de’it?
Mk 8:11-13
Fariseu sira husu sinal ida
11Fariseu sira hakbesik Jesus hodi hahu haksesuk malu ho Nia, hodi husu sinal ida housi lalehan atu koko Nia. 12Ho laran susar, Nia dehan: “Tan sa ema sira otas ne'e nian husu sinal ida? Tebes Ha’u dehan imi: sei la fo sinal ida ba ema sira otas ne'e nian.” 13Nia husik sira, hodi sa'e fali ro atu hakur ba tasi nia sorin balun.
Today's Pointers on God's Word
As you read the passage what words, phases or meanings caught your attention?
- Iha Evangelho ohin nian, Jesus rejeita fó sinál ruma ba Farizeu sira esetu sinal ida kona-ba Nia-an rasik no prova definitiva kona-ba Nia divindade liu-hosi Nia moris-hias.
- Jesus asegura ita katak Nia prezensa divina sei hamutuk ho ita to’o mundu nia rohan. Nia horik ho ita, liu-liu iha Nia Liafuan no iha Eukaristia.
- Ita buka sinál ida hosi ita-nia Na'i ka lae? Reflete kona-ba lialos Jesus Nia prezensa iha ita nia fuan, iha Nia lia-fuan sira ne’ebé relevada ona no iha Eukaristia. Ko’alia ho Maromak ho fuan ba fuan.