DGEMs

Maluk sira mak Kristu hadomi,

"Beatitude sira - Fiar": Iha Evangelho ohin nian, Jesus haklaken "Beatitude sira" ba ema lubun boot sira. Wainhira ita-nia fiar, esperansa no domin ba Maromaksinseru no profundu, liafuan sira “Beatitudes” nian kle’an tebes. Sira ko’alia kona-ba realidade Bensaun Divina, Ksolok Rohan Lalehan nian ne’ebé hein ita. No oinsá sira mak sai fundasaun espiritual ba ita nia moris iha mundu.”

Ema lubun boot tuir Jesus

17Tun tiha hamutuk ho sira, Jesus tur iha rai tetuk ida. Iha neba eskolante barak ho tan ema lubun boot housi rai Judeia tomak, housi Jerusalem no housi tasi ibun Tiro no Sidonia nian. Lia rahun diak nian

20Foti tiha matan ba nia eskolante sira, nia dehan: “Ksolok ba sira nebe kiak, basa Maromak nia reinu imi nian. 21Ksolok ba sira nebe ohin hamlaha, basa imi sei bosu. Ksolok ba sira nebe ohin tanis, basa imi sei hamnasa. 22Ksolok ba imi, wainhira ema hirus imi, wainhira ema duni sai imi, hotar imi, hewai imi nia naran hanesan buat aat, tan deit Oan Mane. 23Iha loron neba, haksolok ba hodi haksoit ho laran ksolok, basa imi nia kolen boot tebes iha lalehan. Nune’e mak sira nia aman sira halo ba profeta sira. 24Maibe susar ba imi nebe riku, basa imi hetan ona imi nia ksolok. 25Susar ba imi nebe ohin bosu hela, basa imi sei hamlaha. Susar ba sira nebe ohin hamnasa, basa imi sei halerik no tanis. 26Susar ba imi, wainhira ema hotu koalia diak kona ba imi, basa imi nia bei ala sira halo mos nune’e ba profeta falsu sira.”