5ª Semana Tempu Komún: Sesta-Feira, loron 14 fulan Fevereiro 2025, February 14, 2025
Reflection on the WORD
Maluk sira mak Kristu hadomi,
“Maromak Nia Mistério” – Fiar: Iha Evangelho ohin nian, Jesus kura ema tilun-diuk hodi tau liman ba nia, no hafoin hadook tiha ema ne'e housi ema lubun boot, Jesus hatama nia liman-fuan iha ema tilun-diuk nia tilun, tafui hodi kona nia nanal. Reflete, Jesus halo ho detalle hotu-hotu molok Nia kura ema tilun-diuk ne’e. Bele ka lae Jesus kura tilun di’uk ne’e ho Nia Lia-fuan sira? Maromak Nia hakarak no Nia dalan sira liu fali ita nia entendimentu.
Mk 7:31-37
Jesus halo ema monok koalia
31Tuir mai, Jesus sai housi rai Tiro, hodi la'o housi rai Sidonia ba tasi Galileia, liu to'o baliza Dekapoli nian. 32Sira lori ba nia ema tilun diuk no monok, hodi husu Nia atu tau liman ba nia. 33Hadook tiha ema ne'e housi ema lubun boot, Jesus hatama nia limanfuan iha nia tilun, tafui hodi kona nia nanal, 34hafoin Nia foti matan ba lalehan, dada iis hodi dehan ba nia, “Effatha,” katak “Loke ba.” 35Ema ne'e nia tilun nakloke kedas, no buat nebe halo nia ibun tos sai tiha. Nia hahu koalia mo-mos. 36Jesus bandu sira atu la bele fo hatene buat ne’e, maibe liu Nia bandu sira, hetok sira fo hatene liu tan. 37Sira hakfodak hodi dehan: “Nia halo diak buat hotu; tilun diuk sira rona, monok sira mos koalia.”
Today's Pointers on God's Word
As you read the passage what words, phases or meanings caught your attention?
- Iha Evangelho ohin nian, ema tilun-diuk ne’e hetan kura hosi Jesus no ema-lubun boot nakonu ho admirasaun ne’ebé ilimitada ba Nia, liu-husi milagre ne’ebé Nia halo. Hafoin sira hahú haklaken no hahí Jesus ba ema hotu-hotu.
- Karik ita barani loke ita nia fuan hodi hasoru Jesus, Nia Espíritu ne’ebé iha ita nia laran, sei haraik duni bensaun mai ita ho esperiénsia ida ne’ebé transforma ita nia moris.
- Jesus mós hakarak atu kura ita no liberta ita hosi obstákulu hotu-hotu ne'ebé mak prevene ita atu haklaken no hahí Nia ba ema seluk, liu-liu ba sira ne'ebé mak iha kanek emosional no la iha kbiit. Ita lori ona ema ruma ba Jesus ikus-ikus (resentamente) ne'e?