5ª Semana Tempu Komún: Kuarta-Feira, loron 12 fulan Fevereiro 2025, February 12, 2025
Reflection on the WORD
Maluk sira mak Kristu hadomi,
Lia-loos Interiór" - Fiar: Iha Evangelho ohin nian, Jesus haklaken katak "Laiha buat ida ne'ebé tama iha ema ida hosi li'ur bele halo ema sai fo'er; buat ne’ebé sai husi ema ida mak halo ema ne’e fo’er. Reflete, “Ita-nia virtude sira hosi ita-nia domin ba Maromak no ema seluk, moris hosi lia-loos, iha ita-nia an rasik. Nune’e mós, sala sira ne’ebé ita halo mai hosi ita-nia laran.”
Mk 7:14-23
Buat nebe hafoer ema
14Jesus halibur fali ema lubun boot hodi dehan ba sira, “Imi hotu, rona Ha’u hodi komprende ba! 15La iha buat ida iha liur nebe tama hodi halo foer ema nia laran, maibe buat nebe sai housi ema nia laran rasik mak halo foer ema. 16Ema nebe iha tilun atu rona, rona ba!”
17Wainhira Nia no tama ona iha uma laran dook housi ema lubun ne'e, nia eskolante sira husu Nia kona ba aiknanoik ne'e. 18Nia hatan ba sira, “Imi mos la komprende? Imi la hare katak buat naran deit nebe tama iha ema nia laran housi liur la bele halo nia foer 19basa la tama iha nia fuan maibe iha nia kabun deit hodi sai ba liur.” Nune'e ia fo sai katak aihan hotu la foer. 20Nia simu tan, “Buat nebe mai housi ema nia laran mak halo nia sai foer, 21basa housi ema nia laran, housi ema nia fuan, mak hakarak aat nebe lori nia atu halo aat, atu na’ok, atu oho, halo sala foer, 22atu sai karakten no halo buat aat sira hanesan lohi ema, hahalok foer, laran moras, lia bosok, loko an no hahalok beik mosu mai. 23Buat sira ne'e hotu mai housi laran no halo foer ema.”
Today's Pointers on God's Word
As you read the passage what words, phases or meanings caught your attention?
- Dala barak ita foka ba buat ne'ebé sala wainhira ita ko'alia kona-ba hadomi Maromak. Ita foka ba ita nia rituál sira no ita nia misa sira iha loron Domingu nian. Enkuantu buat sira-ne'e hotu di'ak tebes, ida-ne'e lakon nia sentido karik ita pesoalmente la iha koneksaun eh ligasaun ho Maromak.
- Dala ruma ita haluha katak sai ema ne’ebé tuir Maromak laos de’it ba Igreja maibé la’o tuir mos Maromak Nia lei ne’ebé tau ona ba ita. Se lae, ita monu ba sala hotu ne’ebé Jesus ko’alia iha Evangelho ohin nian.
- Só wainhira ita livre ona hosi sala sira, mak ita bele rona Maromak Nia mensajen domin nian ho kompletu liu-tán no bele moris duni tuir Nia mensajen domin no dame nian ba ema seluk.