5ª Semana Tempu Komún: Segunda-Feira, loron 10 fulan Fevereiro 2025 February 10, 2025
Reflection on the WORD
Maluk sira mak Kristu hadomi,
“Jesus kura” – Fiar: Iha Evangelho ohin nian, ema husi fatin hotu-hotu, ne’ebé lori ema moras ba Jesus, hetan isin di’ak. Reflete, "Wainhira ita-nia fiar iha Jesus kle’an no sinseru, ita sei hadomi Nia, nu’udar Maromak Nia Oan Mane, no la'ós de'it ba grasa isin di’ak sira no milagre sira ne'ebé Nia bele halo mai ita. Wainhira ita buka Jesus, ita hakarak hadomi Nia ka ita iha ‘lista’ ida kona-ba buat sira ne'ebé ita hakarak Nia atu halo ba ita?”
Mk 6:53-56
Jesus fo isin diak ba moras sira
53Wainhira sira hakur tiha ona ba tasi nia sorin balun, Jesus ho nia eskolante sira la'o ba Genesare. Ro kona rai iha neba. 54Wainhira sira tun tiha housi ro, ema barak hatene kedas Nia. 55Sira halai ba knua nebe besi-besik hodi lori fali ema moras sira iha sira nia tobafatin ka biti, ba fatin nebe sira rona katak Jesus horik hela. 56Wainhira Nia tama iha knua eh sidade ruma, ka la'o iha dalan, sira tau ema moras sira iha fatin luan ida hodi husu Nia atu husik sira kona nia hatais nia ninin. Sira hotu nebe kona nia hetan isin diak.
Today's Pointers on God's Word
As you read the passage what words, phases or meanings caught your attention?
- Imajina senáriu Evangelho nian kona-ba ema moras lubun boot sira, ema ne'ebé besik atu mate no ema kiak sira ne'ebé hale'u bei-beik Jesus.
- Jesus la lakon sentimentu ba ema lubun boot sira nia sofrimentu boot ne’ebé sira hasoru; Jesus mos la lakon esperansa ba nesesidades boot hosi ema lubun boot sira. Nia sempre responde pesoalmente no kompasivamente no nunka konsidera sira nu’udar ema lubun boot ne’ebé presiza tulun.
- Ita pesoalmente afetadu hosi sofrimentu sira iha ita-nia sorin-sorin hanesan traballadór migrante lubun boot, pasiente kankru nst. ne'ebé ita haree iha ita-nia leet lor-loron? Jesus hakarak atu ita sai liu-tán hanesan Nia; atu valoriza ema ida-idak nu’udar folin-boot iha Maromak Nia Futar oin.