4ª Semana Tempu Komún: Kinta-Feira, loron 6 fulan Fevereiro 2025, February 6, 2025
Reflection on the WORD
Maluk sira mak Kristu hadomi,
“Fiar iha Maromak Nia Providénsia”: Iha Evangelho ohin nian, Jesus haruka Nia apóstolu Sanulu-resin-rua, atu haklaken Liafuan Di’ak Salvasaun nian. Maibé, Nia ezije atu sira hotu tau konfiansa totál iha Maromak Nia Providénsia ba sira-nia nesesidade hotu. Reflete, "Wainhira ita iha konfiansa tomak ba Maromak atu fornese no haraik bensaun mai ita iha ita-nia moris, no serbisu ba Nia povu no Reinu, Nia sei nunka abandona ita."
Mk 6:7-13
Sira sanulu resin rua
7Nia bolu sira sanulu resin rua hodi haruka sira na'in rua rua no haraik mos ba sira kbiit atu ukun espiritu foer sira. 8Nia haruka sira lori deit iha dalan aitonka ida; la bele lori bukae eh kohe, ka doit iha futukabun. 9Sira bele usa sandalias maibe la bele lori hatais tahan rua. 10Nia dehan ba sira, “Tama tiha iha uma ida, horik iha neba to'o imi fila. 11Fatin ruma la simu eh la rona imi karik, sai tiha housi neba hodi liki rai rahun housi imi nia ain nudar sasin hasouru sira.” 12Sira sai ba dau-daun hodi hanorin atu hakribi sala. 13Sira duni sai diabu barak no kose mina ba ema moras barak hodi halo sira hetan isin diak.
Today's Pointers on God's Word
As you read the passage what words, phases or meanings caught your attention?
- Jesus empodera Nia eskolante sira atu haklaken Liafuan Di’ak Salvasaun nian. Sira la lori sasan mundu nian ho sira, maibé depende totalmente ba Maromak Nia providénsia.
- Hodi ita-nia Batismu, ita mós hetan kbi’it atu haklaken Evangelho iha ita-nia moris lor-loron. Maibé, ita labele sai instrumentu efetivu Grasa Maromak Nian karik ita preokupa ho rikusoin sira no asuntu sekulár nian.
- Ita tau fiar duni ba Maromak hodi haraik buat hotu ne’ebé ita presiza ka lae? Husu ba Espíritu Santu atu liberta ita husi mundu nia afeisaun sira no atu buka ho ksolok de'it buat sira Lalehan nian.