DGEMs

Maluk sira mak Kristu hadomi,

"Ta'uk Jesus" - Fiar: Iha Evangelho ohin nian, 'espíritu aat sira ta’uk tebes Jesus nu’udar Maromak nia Oan-Mane, no husu Jesus atu haruka sira ba tama fahi sira. Ema sira iha sidade mós ta'ukJesus no husu Nia atu sai hosi sira nia bairru. Reflete, "Ita 'ta'uk' Jesus? Tanba ita lakohi muda ita-nia dalan moris nian, ba moris ida ne'ebé di'ak liu tuir Evangelho Nia hanorin sira?”

Jesus fo isin diak ba ema nebe iha espiritu foer

2Wainhira Nia tun housi ro, ema ida ho espiritu foer sai housi rate sira le’et hodi ba hasouru Nia. . 6Wainhira nia hare Jesus housi dook, nia halai hasouru Nia hodi monu ain ba Nia, 7no hakilar ho lia maka'as, “Iha sa ida ho ha’u no Ita, Jesus, Maromak aas liu nia Oan? Ha’u husu Ita hodi Maromak katak Ita sei la halo aat ha’u.” 8Basa Jesus hateten tiha ona ba nia, “Sai housi ema ne'e, espiritu foer!” 9Jesus husu, “O nia naran sa?” “Ha’u naran Lubun Boot,” nia hatan, “basa ami barak.” 10Nia husu ho laran manas atu la bele duni sai sira housi fatin neba. 11Iha neba iha foho nia sorin, iha fahi barak nebe han dau-daun. 12Espiritu foer sira husu Nia: “Haruka ami tama iha fahi sira, husik ami ba sira.” 13Jesus husik sira, nune'e espiritu foer sai housi ema ne’e hodi tama iha fahi sira. Fahi sira nebe sura besik rihun rua halai housi foho ba tasi laran. Iha neba sira mout hotu.  16Sira nebe hare oin sa buat ne’e mosu kona ba ema ne'e no kona ba fahi sira haktuir ba sira. 17Tan ne'e, ema sira hahu husu Jesus atu husik ona fatin neba.