2ª Semana Tempu Komun: Tersa-feira, loron 21, fulan Janeiru, 2025, January 21, 2025
Reflection on the WORD
Maluk sira mak Kristu hadomi,
“Sábadu nia Na’i” – Fiar: Iha Evangelho ohin nian, Jesus haklaken katak “sábadu halo ba ema; la'ós ema ba loron sábadu. No mós, Nia maka Mestre ba loron sábadu. Reflete; "Ita hetan bolu atu obedese ba Maromak nia Lei no ukun-fuan litúrjiku sira ho hakarak jenuínu atu moris ita-nia fiar ho auténtiku, maibé la'ós ho superfisiál no superstisiozu."
Mk 2:23-28
Kona ba Sabadu
23Loron Sabadu ida, Jesus, la'o iha to'os batar nian nia laran. Tuir dalan, Nia eskolante sira han batar musan. 24Fariseu sira dehan ba Nia: “Hare ba, tansa sira halo buat ne’ebé la bele halo iha loron Sabadu?” 25Nia hatan, “Imi la le’e buat ne’ebé David halo wainhira nia iha susar laran no hamlaha; nia ho nia emar sira? 26Oin sa nia tama iha Maromak nia uma, iha tempu amlulik boot Abiatar nian, hodi han paun ne’ebé hasa'e tiha ona ba Maromak, paun ne’ebé amlulik sira deit mak bele han? No mos nia fo paun ne'e ba sira ne’ebé hela ho nia?” 27Nia dehan tan ba sira, “Maromak halo Sabadu ba ema nia diak, la'os ema ba Sabadu nian: 28tan ne'e, Oan Mane mak loron Sabadu mos nia Na'in.”
Today's Pointers on God's Word
As you read the passage what words, phases or meanings caught your attention?
- Farizeu sira halo tuir sira nia lei relijiozu sira to'o nia ho detalhe. Maibé, Jesus hatudu ba ema Judeu sira katak Espíritu Ukun-Fuan nian mak importante liu. Atu hadomi Maromak ita tenke iha matenek atu hadomi ita-nia maluk tanba hahalok domin sira hanesan ne’e mak dalan konkretu atu hadomi Maromak.
- Se ita hakarak atu aplika lei balu, ita tenke hanoin katak "lei" sira ne'e ba ema hotu-hotu nia di'ak, justisa no dame. Nune’e, obediénsia ba “lei sira” nu’udar fin la’ós Jesus nia dalan atu hakbesik.
- Husu ba Na’i atu fó matenek ba ó atu diserne oinsá atu moris “ukun-fuan” Maromak nian ho kompletu liu tan.