1ª Semana Tempu Komun: Domingu, loron 19, fulan Janeiru, 2025, January 19, 2025
Reflection on the WORD
Maluk sira mak Kristu hadomi,
“María no Jesus – Domin”: Iha Evangelho ohin nian, Maria preokupa tebes ho uma-na’in selebrasaun Kazamentu nian, tanba tua hotu daudaun. Ida-ne'e sei "estraga" selebrasaun tomak. Reflete; “Maria husu ba Jesus Nia Oan-Mane, atu salva situasaun. Jesus, halo Nia milagre dahuluk; hanesan Nia mós hetan movimentu ho Kompaixaun, no Nia Hadomi tebes Nia Inan.”
Jo 2:1-5,7-9a,10-11
Festa kaben nian iha Kana
1Liu tiha loron tolu, ema halo festa kaben nian iha Kana Galileia. Jesus nia inan iha neba. 2Jesus ho nia eskolante sira simu mos konvite ba festa. 3Wainhira tua la iha ona, Jesus nia inan dehan ba Nia: “Sira nia tua hotu ona.” 4Jesus simu dehan: “Na’in feto, ne’e katak sa ba Ha’u no ba ita? Ha’u nia oras seidauk to’o.” 5Maibénia inan dehan ba sira ne’ebé hein meja: “Halo tuir ba buat ne’ebé Nia haruka.” 6Kusi fatuk neen iha neba, tuir Judeu sira nia lisan hamos an nian; kusi idaida bele lori litru ualu nulu ka atus ida rua nulu. 7Jesus lia tun ba sira: “Imi tau be ba kusi sira ne’e to’o nakonu.” Sira tau be nakonu di-diak to’o ibun. 8Hafoin Nia dehan ba sira: “Imi bele hasai ona, lori ba uma na’in tenda.” Sira lori duni. 9Uma na’in tenda koko tiha be nakfila ba tua, tan nia la hatene tua ne’e mai husi ne’ebé, maibéema sira ne’ebé hein meja no kuru be hatene; uma nain tenda bolu noivu 10hodi dehan: “Ema hotu fo uluk tua diak; konvidadu sira hemu di-diak ona, hafoin mak fo tua la dun diak. O fali rai subar tiha tua diak to’o oras ne’e.” 11Ne’e mak milagre uluk ne’ebé Jesus halo iha Kana Galileia. Nia hatudu nia gloria, nia eskolante sira fiar Nia.
12Liu tiha ne’e, Jesus ho nia inan, maun alin no eskolante sira tun ba Kafarnaum. Sira hela loron barak iha neba.
Today's Pointers on God's Word
As you read the passage what words, phases or meanings caught your attention?
- Jesus nia milagre sira iha Caná, multiplikasaun paun sira nst. hatudu katak Maromak nia domin no mizerikórdia sempre barak liu, nakonu no iha kualidade superiór ba sira ne'ebé presiza.
- Maromak fó de’it buat ne’ebé di’ak liu ba ita. Espresaun ikus liu hosi domin Maromak nian hanesan ne'e ba ita no ba ema tomak maka hodi husik Nia Oan-Mane mate ba ita atu nune'e ita bele hetan salvasaun.
- Keta baruk atu hakbesik ba Maromak ho ita-nia preokupasaun no nesesidade sira iha moris; liu liu bainhira imi hetan moris ne'ebé laiha esperansa. Maromak sei fó duni ba ita "ida ne’ebé di'ak liu" no iha abundánsia. Ita bele fiar nafatin Nia.