DGEMs

Maluk sira mak Kristu hadomi,

“Maromak nia Mizerikórdia – Ema sala-na’in sira” – Fiar: Iha Evangelho ohin nian, Jesus bolu Mateus, kobradór impostu nian; sala-na’in públiku ida, atu sai Nia apóstolu. Nia mós bá han hamutuk ho nia no nia kobradór impostu sira seluk. Ida-ne'e konsidera hanesan hahalok eskándalu. Maibé, Jesus nia intensaun mak atu haklaken Liafoun di’ak ba sira. Reflete; "Ita kondena ema sala-na'in sira? Ou ita buka anrasik deit?

Jesus bolu Levi

13Jesus sai fali ba tasi ibun. Ema barak ba hasouru nia. Nia hanorin sira. 14Tuir dalan, Nia hare Levi, Alfeu nia oan, tur iha nia fatin hodi kobra osan. Jesus dehan ba nia, “Mai, tuir Ha’u.” Nia hamriik hodi tuir Jesus. 15Wainhira Jesus han iha nia uma, publikanu balun no ema maksalak sira tur hamutuk ho Jesus ho nia eskolante sira, basa barak husi sira le’et tuir Nia. 16Eskriba sira husi fariseu sira nia sorin hare katak Nia han hamutuk ho ema maksalak ho publikanu sira. Sira dehan ba Nia eskolante sira, “Tansa Nia han hamutuk ho publikanu no ema maksalak sira?” 17Jesus, rona hotu ne'e, hatan ba sira, “La'os ema isin diak mak presisa doutor, maibésira ne’ebé moras. Ha’u la mai  atu bolu ema diak, maibéema maksalak sira.”