DGEMs

Maluk sira mak Kristu hadomi,

“Profundidade husi ita-nia Hakarak – Fiar”: Iha Evangelho ohin nian, ema paralítiku iha hakarak boot atu hetan kura husi Jesus. Maibé, nia la bele toʼo ba Jesus tanba ema-lubun boot. Maibé, sira hetan solusaun ida ne'ebé kriativu. Reflete; "Bainhira ita iha hakarak klean atu "to'o" ba Jesus, ita presiza iha kriatividade ne'ebé nakonu ho Espíritu; no Jesus sei tau matan ba ita.”

Jesus fo isin diak ba ema isin mate ida

 1Liu loron ruma, Jesus fila fali husi Kafarnaum. Ema rona katak Nia iha uma ona. 2Ema barak tebes halibur hamutuk, atu nune'e sai resin iha odamatan. Nia haklaken liafuan diak ba sira. 3Sira hakarak hatudu ba Nia ema moras isin mate ida ne’ebé ema na'in haat mak lori. 4Tan ema barak iha neba, sira la bele lori ba to'o Nia. Tan ne'e sira loke uma nia kakuluk iha los fatin ne’ebé Nia hela nia leten. Halo tiha kuak ida, sira hatun  ema ne'e iha nia toba fatin. 5Tan hare ema sira nia fiar, Jesus dehan ba ema moras ne'e, “Ha’u oan, o nia sala sira hetan ona perdua.” 10Diak, atu imi hatene katak Oan Mane iha kbiit iha rai ne'e atu fo perdua ba sala, 11‘Ha’u haruka o,’ Nia dehan ba moras isin mate, ‘Hamriik ba, foti o nia hadak no la'o ba uma.’” 12Ema ne'e hamriik, foti kedas nia hadak hodi la'o iha ema hotu nia oin. Ema hotu hakfodak hodi hahi Maromak dehan: “Ami la dauk hare buat ida hanesan ne'e.”