1ª Semana Tempu Komun: Segunda-feira , loron 13, fulan Janeiru, 2025, January 13, 2025
Reflection on the WORD
Maluk sira mak Kristu hadomi,
"Maromak nia Reinu" - Fiar: Iha Evangelho ohin nian, Jesus haklaken urjénsia atu "arrepende ita-nia sala sira". Nia bolu mós André no Tiago atu tuir Nia, nu’udar Nia apóstolu. Reflete; "Ita-nia arrependimentu husi ita-nia sala sira no obediénsia ba Maromak nia Vontade atu serbí Nia Reinu, mós, atu prepara ita-nia fuan atu hasoru Maromak iha ita-nia mate, ne'ebé bele akontese iha kualkér tempu."
Mc 1:14-20
Jesus bolu ema peskador sira
14Wainhira ema dadur ona João, Jesus ba Galileia hodi haklaken Maromak nia liafuan diak hodi dehan: 15“Tempu to'o ona; Maromak nia reinu besik ona. Hakribi imi nia sala hodi fiar liafuan diak.” 16Liu husi tasi ibun Galileia nian, Nia hare Simao ho Simao nia alin Andre soe sira nia dai ba tasi, basa sira peskador. 17Jesus dehan ba sira, “Tuir Ha’u mai; Ha’u sei halo imi peskador ema nian.” 18Sira husik kedas dai hodi tuir Nia. 19Liu tan uitoan ba oin, Nia hare Tiago, Zebedeu nia oan, ho nia alin João iha sira nia ro laran, hadia hela dai. 20Nia bolu sira kedas. Sira husik sira nia aman Zebedeu iha ro laran ho nia emar sira hodi tuir Jesus.
Today's Pointers on God's Word
As you read the passage what words, phases or meanings caught your attention?
- Hanesan Jesus bolu peskadór balu atu kontinua Nia misaun iha rai hodi fó hatene Nia Aman nia Vontade atu salva povu hotu, Jesus mós konvida ita ida-idak atu kontinua Nia obra redensaun iha ita-nia mundu ohin loron.
- Maski ita-nia frakeza no sala-na'in Maromak hakarak uza ita ida-idak atu fó sai Nia hakarak divinu sira atu salva povu hotu-hotu. Laiha ema ida maka hetan izensaun atu fó sasin ba Kristu liu husi dalan ne'ebé ita hanoin, moris ka ko'alia.
- Atu hala'o misaun Jesus nian ida-ne'e signifika katak ita tenke moris moris ida ne'ebé sentradu iha Kristu. Ohin ita sei entrega imi nia an ba Kristu no husik Nia atu lori imi?