DGEMs

Maluk sira mak Kristu hadomi,

“Tauk iha lialos husi Maromak”- Fiar: iha Evangelho loron ohin nian, saserdote nia bo’ot no na’i ulun sira sadik Jesus nia autoridade hodi duni sai kontratudor sira sai hosi templu. Sira sempre atua bazea ba tauk atu lakon sira nia poder no fama. Reflete; “núne’e mós, se ita tauk atu simu Maromak nia lialos, ita sei labele hetan Nia dame nebé kle’an no Ksolok hosi Maromak iha ita nia fuan.

Jesus nia kbi’it

23Tuir mai Nia tama iha templu. Nia hanorin dau-daun, amlulik boot sira no katuas sira povu nian hakbesik Nia hodi dehan: “Ho kbi’it nebé mak o halo buat ne’e? Se mak fo ba o kbi’it ida ne’e?” 24Jesus hatan ba sira: “Ha’u mos sei husu buat ida ba imi: imi hatan karik, Ha’u sei dehan ba imi ho kbi’it nebé mak Ha’u halo buat ne’e. 25Joao nia baptismu mai housi nebé: housi lalehan, ka housi ema sira?” Maibé sira haksesuk malu dehan: “Ita hatan karik ‘Mai housi lalehan,’ Nia sei dehan mai ita: ‘ Ne’e duni, tansa imi la fiar nia?’ 26Maibé ita hatan karik ‘Mai housi ema, ita tauk ema lubun, basa ema hot-hotu fiar katak Joao profeta ida.” 27Ne’e duni, sira hatan ba Jesus: “Ami la hatene.” Nia dehan fali ba sira: “Ha’u mos sei la dehan ba imi ho kbi’it nebé mak Ha’u halo ne’e.”