Festa: Imaculada da Conceição Maria: Segunda, loron 08, fulan Dezembru 2024, December 9, 2024

Reflection on the WORD

Maluk sira mak Kristu hadomi,

“Maria, Mesias nia Inan” – Fiar: Iha evangelho ohin nian, Maria bele de’it la simu Na’I nia konvite atu sai Mesias nia Inan; tanba tauk atu hetan tuda to’o mate. Maibé, nia simu; ho fuan bo’ot, humildade no fiar totaliha Na’I nia Providencia. Reflete; “karik ita ta’u ita nia necesidade sira no tauk ba Na’I nia Hakarak, no justifiça sira ho hodi husu deskulpa barak?”

Lk 1:26-33,38

Anju Gabriel fo hatene ba Maria katak Jesus atu moris

26Iha fulan neen, Maromak haruka anju Gabriel ba knua ida Galileia nian, naran Nazare, 27ba fetoran ida nebé hakotu tiha ona ba mane ida naran José, housi David nia umakain; fetoran ne’e naran Maria. 28Tama tiha iha uma, anju dehan: “Rahun diak, feto kmanek wa’in tebes! Na’i ho ita!” 29Rona tiha lia ne’e, nia laran taridu hodi husu ba nia an rasik kumprimentu ne’e katak sa los. 30Anju dehan ba nia: “Keta tauk, Maria; basa o hetan rahun diak tebes iha Maromak futar oin. 31O sei ko’us no tur ahi oan mane ida. O sei hanaran Nia Jesus. 32Nia sei sai ema boot; ema sei hanaran Nia Na’i aas liu hotu nia Oan. Na’i Maromak sei haraik ba Nia nia aman David nia kadunan. 33Nia sei ukun Jacob nia umakain ba nafatin; nia ukun sei rohan la’ek.” 38Maria dehan: “Ne’e sa, Na’i nia atan oan mak ne’e. Halo tuir ita liafuan ba!” Hafoin anju husik nia. 

Today's Pointers on God's Word

As you read the passage what words, phases or meanings caught your attention?

  • Maria foka oinsa atu lori nia moris ba Na’i no halo tuir Na’I nia Hakarak nebé sempre firme iha nia moris tomak sem konsidera tentasaun no moras nebé nia presiza passa.
  • Ita mós deseja katak ita bele iha fidelidade nebé hanesan ne’e iha maneira ida nebé ita hadomi Na’I no hakarak atu halo tuir Nia Hakarak. Masque, ita monu no encontra iha ita nia an failla atu hadomi Na’i nu’udar ita presiza atu hadomi. 
  • Ita reza atu ita nia domin ba Na’i, kontinua kle’an loron ba loron no ita sei la rende atu koko atu tau Na’i iha sentru ita nia moris nian wainhira ita hasoru obstakulu oi-oin sira iha ita nia family, serviso no moris loro-loron.