1ª Semana Tempu Advento: Sesta-Feira, loron 06, fulan Dezembru 2024, December 6, 2024

Reflection on the WORD

Maluk sira mak Kristu hadomi,

“Matan-delek”-Fiar:Iha evangelho ohin nian, Jesus kura matan delek na’in rua nebé hatudu fiar iha Jesus. Reflete, matan-delek emosional mak foti-an ho hahalok egoséntriku. Maibé matan-delek espiritual mak at liu forma matan-delek hotu. Ida ne’e revela wainhira ita la valoriza ita nia fiarno relasaun ho Maromak. Nune’e, ita sei lakon sentidu no objetivu lolos ita nia moris nian.

Mt 9:27-31

Matan delek rua ho monok ida sai diak

27Jesus sai daudaun housi neba, ema matan delek na’in rua tuir Nia hodi hakilar dehan: “David nia Oan, sadia ami.” 28To’o tiha uma, matan delek sira hakbesik ba Nia. Jesus dehan ba sira: “Imi fiar katak Ha’u bele halo buat ne’e?” Sira hatan ba Nia: “Ami fiar, Na’i!” 29Nia kona sira nia matan dehan: “Sai diak ba tuir imi nia fiar!” 30Sira nia matan nakloke. Jesus hateten ba sira ho lia maka’as: “Keta fo hatene buat ne’e ba ema ida.” 31Maibé, sai tiha, sira halo Nia naran sai boot iha rai neba tomak.

Today's Pointers on God's Word

As you read the passage what words, phases or meanings caught your attention?

  • Ita nia Na’i bele no sei halo milagre sira mai ita karik ita fiar de’it ba Nia. Ida ne’e klaramente tanba sa Jesus hatudu mizerikórdia ba ema matan delek na’in rua wainhira Nia kura sira nia matan. 
  • Iha area ruma nebé nakukun hela iha ita nia dalan hodi prátika moris kristaun nian, ezemplu, ita nia foti-an, falta de preokupasaun, impasiente no falta de respeitu ba ema seluk, no seluk-seluk tan? 
  • Ema matan delek nebé Jesus kura, haklaken Jesus Nia kbi’it ba ema hotu atu rona. Nune’e mos, ita sente enérjiku no antuziasmu hodi haklaken buat nebé Kristu halo ona mai ita? Tanba sá?