1ª Semana Tempu Advento: Kuarta-Feira, loron 04, fulan Dezembru 2024, December 4, 2024

Reflection on the WORD

”Jesus nia Fuan Kompasivu”: Iha evangelho ohin nian, Jesus haraik isin di’ak ba ema ain-kude’ik, matan-at, nunuk, no sira seluk nebé moras. Hafoin nia fó han ema lubun boot sira nebé hamlahak tanba la iha ai-han. Reflete; relembra no agradese Jesus ba milagre barak iha ita nia moris, wainhira ita monu ba susar boot no labele uza Jesus Nia Domin Kompasivu tuir ita nia hakarak de’it.

Mt 15:29-30, 32, 35-37

Fo isin diak ba ema moras barak

29Sai tiha housi neba, Jesus liu ba to’o tasi Galileia. Nia sa’e ba foho ida hodi tur iha neba. 30Ema barak mai buka Nia. Sira lori ema ain aat sira, ema moras sira, matan delek sira no monok sira, ho tan sira barak seluk hodi tau sira iha nia ain; no Jesus fo isin diak ba sira. 

32Bolu tiha nia eskolante sira, Jesus dehan ba sira: “Ha’u hanoin ema lubun ne’e, basa loron tolu ona mak sira la’o tuir Ha’u, la han buat ida. Ha’u lakohi haruka sira ba ho kabun mamuk, keta sira monu iha dalan karik.” 35Haruka tiha ema lubun boot tur hotu iha rai, 36Nia kaer paun fuan hitu ho ikan sira, fo obrigadu, silu hodi fahe ba eskolante sira atu fo ba povu. 37Sira hotu han to’o bosu. Hafoin sira tau baluk sira nebé resin ba luhu hitu nakonu.

Today's Pointers on God's Word

As you read the passage what words, phases or meanings caught your attention?

  • Iha Evangelho ohin nian, Jesus hatudu Kbi’it Maromak Nian no grandeza mizerikórdia Maromak Nian wainhira Nia fó han ema rihun atus lima no kura ema barak nebé moras no iha agonia nia laran.
  • Maromak hatene no sempre haraik bensaun wa’in liu-tan mai ita, ba buat nebé mak ita presiza no ita soin atu simu. Importante liu, Maromak habosu ita ho Nia lia-fuan moris nian no paun lalehan nian, atu nune’e ita bele moris rohan la’ek ho Nia.
  • Ita fiar katak ita nia Na’i de’it bele fó ksolok mai ita nia saudades no habosu ita nia fuan? Ita fiar katak la iha tan buat ida iha mundu ne’e bele fó ksolok mai ita hanesan Maromak Nia lia-fuan, Nia isin no Nia ran?