DGEMs

Maluk sira mak Kristu hadomi,

“Vijilánsia-Fiar”: Iha evangelho ohin nian, Jesus haklaken ba Nia eskolante sira, “matan moris neon na’in ba” no iha kbi’it hodi hasoru Maromak Nia Oan Mane, wainhira Nia mai iha loron ikus iha ita nia moris nian. Reflete; atu horik iha Maromak Nia Domin no Dalan sira, hariku ita-an ho ksolok lolós no satisfasaun iha moris. Maibé moris ho pekadu foti-an bele harahun ita nia moris no ita nia maluk sira nebé ita hadomi.”

Sinal sira loron ikus nian

25“Sinal sira sei mosu iha loron, iha fulan no fitun sira. Iha raiklaran, nasaun sira sei laran susar no tauk teb-tebes tamba tarutu housi laloran no tasi nian. 26Ema sira sei mate tamba de’it tauk, hodi hanoin sa ida mak sei mosu iha raiklaran, basa lalehan nia kbi’it sei nakdoko. 27Iha oras ne’e, ema sei haré Oan Mane mai iha kalohan ho kbi’it no Glória wa’in tebes. 28Wainhira buat hirak ne’e sei mosu, aten berani ba hodi foti aas imi nia ulun, basa imi nia maksoin besik ona.”

34“Imi matan moris neon na’in ba, keta laran todan tan hahalok aat sira, tan lanu, tan fo neon resin ba moris ne’e atu loron ne’e keta to’o teki-teki de’it hanesan lasu; 35basa nia sei monu hanesan lasu ida ba ema hotu nebé tur iha raiklaran tomak. 36Ne’e duni, matan moris hodi hamulak nafatin ba, atu imi bele hetan kbi’it hodi hadook an housi buat hotu nebé sei mosu no bele hamriik metin iha Oan Mane nia oin.”