S. André, Apostolu, 34ª Semana Tempu Komun: Sábadu, loron 30, fulan Novembru, 2024, November 30, 2024

Reflection on the WORD

Maluk sira mak Kristu hadomi,

 

Bolu–peskadór ema nian”- Fiar: Iha Evangelho ohin nian, Jesus bolu André, Pedro, Tiago no João atu sai “peskadór ema nian”. Sira atu halo parte iha nia misaun atu haklaken liafuan di'ak salvasaun nian ba povu hotu-hotu. Reflete: "Sarani hotu-hotu, hetan 'bolu' atu fó sasin no hakbesik ema ba Maromak. Entaun, mai ita hetan naroman no kbi’it husi Espíritu Santu.”

Mt 4:18-22

“Bolu eskolante sira”

18La'o dau-daun tuir tasi Galileia nian, Nia hare maun alin na’in rua: Simao, ne’ebé ema hanaran Pedro, ho nia alin Andre. Sira soe hela dai ba tasi, basa sira ema peskador. 19Nia dehan ba sira: “Imi tuir Ha'u mai, Ha'u sei halo imi peskador ema nian.” 20Sira husik kedas dai hodi la'o tuir Nia.

21La'o uitoan ba oin, Nia hare maun alin na’in rua seluk: Tiago, Zebedeu nia oan, ho nia alin Joao. Sira hadia hela dai iha ro laran hamutuk ho sira nia aman Zebedeu. Nia bolu sira. 22No sira, husik kedas ro ho sira nia aman, tuir Nia.

Today's Pointers on God's Word

As you read the passage what words, phases or meanings caught your attention?

  • Iha Evangelho ohin nian Jesus bolu peskadór sira atu sai Nia eskolante no evanjelizadór dahuluk. Ema simples sira-ne'e  rona ona Jesus nia hanorin sira no nakloke ba nia lia-lós bainhira Jesus bolu sira ida-idak.
  • Se ita hanoin kle’an liután, ita bele haré katak Jesus hetan peskadór sira-ne'ebé pasiénsia, matenek, badinas, aten-barani no ida ne'e apropriadu nu'udar eskolante ida.
  • Ita rona ona Espíritu Santu dezafia ita atu serbí Nia liután, maibé fila kotuk ba Nia tanba ita lakohi fó ita-nia an ba nia misaun? Espíritu ida-ne'e dezafia nafatin imi iha imi nia moris momento ne’e?