DGEMs

Maluk sira mak Kristu hadomi,

“Moris iha rai no lalehan”- Fiar: Iha Evangelho ohin nian, Jesus haklaken katak buat hotu iha rai, sei “la dura.” Só ita-nia relasaun ho Maromak mak sei metin ba nafatin. Reflete: "Ita iha objetivu no prioridade sira ne'ebé klaru; iha-ne’ebé Maromak iha sentru no fundasaun ba ita-nia moris? Se nuneʼe, entaun ita sei moris ho moris neʼebé nakonu ho kontente, agora no ba nafatin.”

“Jesus si’ik kona ba templu”

5Tan ema balun ko’alia kona ba templu hodi hateten katak ema hafutar nia ho fatuk mesa furak no buat karan sira, Nia dehan: 6“Loron sei to’o wainhira buat ne’ebé imi hare dau-daun ne’e sei sobu hotu; fatuk ida sei la hela iha fatuk seluk nia leten.” 7Sira husu ba Nia: “Mestre, wainhira mak buat hirak ne’e mosu? Sira sei hahu ho sinal ida ne’ebé?” 8Nia hatan: “Hare ba, atu ema keta lohi imi; basa ema barak sei mosu mai hodi Ha’u nia naran dehan ‘Mak ha’u!’ no ‘Tempo besik ona!’ Keta tuir sira. 9Wainhira imi rona ema ko’alia kona ba funu no revolusaun sira, keta tauk, basa buat hirak ne’e hotu sei mosu uluk, maibé rohan seidauk to’o mai kedas.”