DGEMs

Maluk sira mak Kristu hadomi,

“Jesus, Liurai universu nian”- Fiar: Iha Evangelho ohin nian Jesus hetan interogasaun husi Liurai Herodes, hanesan kriminozu ida. Maibé, iha Lia-lós, Jesus nia reinu ne'ebé mak lalehan nian, maka'as liu duké Herodes. Reflete: “Sira ne'ebé laiha fiar, ka ne'ebé rejeita Jesus nu'udar Liurai universu nian; lakon Lia-lós ne'ebé boot liu no folin-boot liu iha moris.

“Jesus iha Pilatos nia oin”   

33Ne’e duni, Pilatos tama fali ba uma laran. Nia bolu Jesus hodi husu ba Nia: “O Judeu sira nia liurai?” 34Jesus hatan: “O rasik dehan buat ne’e, ka ema seluk mak dehan ba o kona ba Ha’u?” 35Pilatos simu hikas dehan: “Ha’u ema Judeu ida? O nia povu no amlulik boot sira mak saran O ba ha’u. O halo sa ida?” 36Jesus hatan: “Ha’u nia reinu la’os raiklaran ne’e nian. Ha’u nia reinu raiklaran ne’e nian karik, Ha’u nia emar sira sei halo funu atu Ha’u la bele monu ba Judeu sira nia liman. Maibé, Ha’u nia reinu la’os raiklaran ne’e nian. 37Pilatos dehan ba Nia: “Ne’e sa o liurai duni?” Jesus hatan: “O mak dehan katak Ha’u liurai. Tan ne’e mak Ha’u moris, no tan ne’e mak Ha’u mai iha mundu, atu fo sasin ba lialos. Ema hotu lialos nian rona Ha’u nia lia.” 38Pilatos husu fali: “Lialos ne’e sa ida?”