DGEMs

Maluk sira mak Kristu hadomi,

"Ema matan-delek ho fiar ne'ebé kle'an": Iha Evangelho ohin nian, ema matan-delek ne'e husu ba Jesus atu kura nia, maski ema barak ko'alia aat nia. Jesus simu nia tanba nia fiar neʼebé kleʼan. Reflete: "Ita husu ba Jesus atu hatán ba ita-nia nesesidade sira, ita-nia fiar nia vizaun no misaun, kle'an hanesan ema matan-delek nia fiar? Ita-nia fiar sei metin nafatin ka la’e, bainhira ita hasoru inimigu sira?”

“Ema matan delek husiJeriko”

35Wainhira sira hakbesik Jeriko, ema matan delek ida tur iha dalan ninin hodi husu esmola. 36Rona tiha ema lubun boot liu dau-daun, nia husu sa ida mak mosu. 37Sira hatan, “Jesus husiNazare liu dau-daun.” 38Ne’e duni, nia hakilar: “Jesus, David nia oan, sadia atan ha’u!” 39Sira ne’ebé la’o iha oin haksi’ak nia atu nonok tiha, maibé nia hetok foti lia maka’as liu tan: “David nia oan, sadia atan ha’u!” 40Jesus para hodi haruka sira lori nia mai. Wainhira ema matan delek ne’e hakbesik, Jesus husu ba nia: 41“O hakarak Ha’u halo sa ida ba o?” Nia hatan: “Na’i, atu ha’u hare fali!” 42Jesus dehan ba nia: “Hare fali ba; o nia fiar soi tiha o.” 43Nia hare kedas no hahu tuir Jesus hodi hawelok Maromak. Hare tiha ne’e, povo tomak hahi Maromak.