DGEMs

Maluk sira mak Kristu hadomi,

"Reza nafatin ho esperansa": Iha Evangelho ohin nian, Jesus fó hanoin ba nia eskolantesira atu reza beibeik ho esperansa. Reflete: "Ita hotu reza loron loron, maibé ita-nia orasaun sira 'persistente no fervor' hanesan ho feto-faluk iha Evangelho ohin? Ba orasaun sira hanesan ne'e, ita-nia fiar no domin ba Maromak presiza sai kle’an, no la lakon tempu buat barak ne'ebé laiha folin?”

“Juis aat”

1Tuir mai, Nia haktuir aiknanoik ida ba sira: sira sei harohan nafatin hodi la bele kole dehan; 2“Iha sidade ida iha juiz ida ne’ebé la tauk Maromak, la respeita ema. 3Iha sidade ne’e mos iha feto faluk ida ne’ebé ba hasouru nia dehan: ‘Halo lai justisa ba hasouru ha’u nia funubalun.’ 4Dala barak ona mak nia lakohi rona. Maibé loron ida nia dehan ba nia an: ‘Maski ha’u la tauk Maromak, no mos la respeita ema, 5atu feto faluk ne’e la bele fo bei-beik ulun moras mai ha’u, ha’u sei halo duni justisa ba nia atu nia la bele mai halo kole tan ha’u.’ 6Nune’e Na’i dehan: rona di-diak buat ne’ebé juiz aat ne’e dehan. 7Ne’e duni, Maromak sei la halo justisa ba sira ne’ebé Nia fihir, ne’ebé kalan loron hasa’e lia makaas ba Nia, hodi halo sira hein kleur tan? 8Tebes, Ha’u dehan ba imi katak Nia sei halo kedas justisa ba sira. Maibé wainhira Oan Mane sei fila hikas mai, Nia sei hetan fiar iha raiklaran ka lae?”