DGEMs

Maluk sira mak Kristu hadomi,

“Jesus nia Mizerikórdia”-Fiar: Iha Evangelho ohin nian, Jesus haklaken “ai-knanoik kona-bá bibi ne’ebé lakon” hodi subliña Maromak ita Aman nia Mizerikórdia preferensiál ba ema sala-na’in sira ne’ebé lakon no iha sala boot. Reflete: "imi limita Maromak nia Mizerikórdia, bainhira ita relasiona ho ema sala-na'in sira? Ita ‘laiha laran-sadiʼa’ ka laran-makerek no hanoin an lós bainhira ita tesi-lia ba ema seluk? Ita mós laʼós sala-naʼin ka?”

“Bibi ne’ebé lakon”

1Publikanu no maksalak sira hotu hakbesik Jesus atu rona Nia. 2Fariseu no eskriba sira hamu’u dehan: “Ema ne’e simu maksalak sira hodi han hamutuk ho sira.” 3Tan ne’e, Nia haktuir ba sira aiknanoik ida ne’e: 4“Imi ida ne’ebé mak, iha karik bibi atus ida no lakon tiha ida, la husik sia nulu resin sia seluk iha rai fuik maran, hodi ba buka ida ne’ebé lakon to’o hetan nia? 5Hetan tiha, nia tau bibi ne’e ho ksolok iha nia kbaas. 6To’o tiha uma, nia bolu belun no maluk sira, hodi dehan ba sira: ‘Haksolok ho ha’u ba, basa ha’u hetan fali ona ha’u nia bibi ne’ebé lakon.’ 7Ha’u dehan ba imi katak iha lalehan sei haksolok tanba ema maksalak ida ne’ebé hakribi nia sala, liu fali ema diak sia nulu resin sia ne’ebé la kuran atu hakribi sala.”