DGEMs

Maluk sira mak Kristu hadomi,

“Lori Kristu nia Krús”-Fiar: Iha Evangelho ohin nian, Jesus haklaken katak atu sai Nia eskolante, esensiál tebes atu ita lori nia Krús. Reflete: “Fiar ne’ebé kle’an mak ita lori Jesus nia Krús ne’ebé la depende ba ita-nia forsa rasik, maibé depende totalmente ba Maromak nia grasa sira. No nune'e, ita prontu atu sai Jesus nia eskolante no lori nia krús?”

“Husik buat hotu atu tuir Jesus”

. 27Ema ne’ebé la lori nia krus hodi tuir Ha’u, nia la bele sai ha’u nia eskolante. 28Imi ida ne’ebé mak, atu halo uma aas ida, la tur uluk lai atu sura buat ne’ebé kuran, hodi hare nia iha osan ka lae atu halo to’o hotu? 29Keta halo be, foin hahu harii, nia la iha kbi’it atu halo to’o rohan. Hafoin sira ne’ebé hare, hahu hamoe nia dehan: 30 ‘Ema ne’e hahu harii, maibé la bele halo to’o rohan!’”

31 “Eh liurai ida ne’ebé mak ba funu hasouru liurai seluk, la tur uluk lai hodi hanoin di-diak nia bele ka lae ho de’it soldadu rihun sanulu ba hasouru ida ne’ebé mai hasouru nia ho soldadu rihun rua nulu? 32La bele karik, wainhira ida seluk sei dook hela, nia haruka kedas manuain atu ba husu dame. 33Nune’e mos imi hotu ne’ebé la husik imi nia rikusoi tomak, la bele sai ha’u nia eskolante.”