DGEMs

Maluk sira mak Kristu hadomi,

“Foti Maromak nu'udar buat ne'ebé baibain”-Fiar: Iha Evangelho ohin nian, Jesus haklaken “Ai-knanoik Bankete nian”. Nia fó hanoin ba farizeu no advogadu sira, atu labele foti Maromak nia prezente folin-boot fiar hanesan buat baibain no trata Maromak hanesan buat ne’ebé la importante iha ita-nia moris. Reflete: "Ita halo sala bainhira ita konsidera Eukaristia no Maromak nia bensaun barak hanesan buat bai-bain de’it?"

“Aiknanoik Festa boot”

15Rona tiha buat ne’e, bainaka ida dehan ba Nia: “Rahun diak ba ema ne’ebé sei han ho Maromak iha nia reinu!” 16Jesus hatan ba nia: “Ema ida halo festa boot hodi konvida ema barak. 17Iha oras atu han nia haruka nia atan atu hateten ba sira: ‘Mai ona, buat hotu hadia tiha ona.’ 18Maibé sira hotu hahu dehan buat oi-oin. Ida uluk dehan ba nia: ‘Ha’u foin sosa rai no ha’u sei ba hare nia; ha’u husu diskulpa.’ 19Ida seluk dehan: ‘Ha’u foin sosa karau par lima no ha’u sei koko sira; ha’u husu diskulpa.’ 20Ida seluk tan dehan: ‘Ha’u foin kaben, tan ne’e ha’u la bele ba.’ 21Atan ne’e fila fali hodi haktuir buat hirak ne’e ba nia na’in. Tuir mai, uma na’in hirus, hodi dehan ba nia atan: ‘Sai lalais ba prasa no dalan sira sidade nian, hodi lori mai iha ne’e ema kiak sira, ema kbi’it laek, ema matan delek no ema ain aat sira.’ 22La kleur atan ne’e fila fali, hodi dehan ba nia: ‘Na’i, buat ne’ebé Ita haruka, halo tiha ona, maibé fatin sei iha.’ 23Uma na’in dehan fali ba nia atan: ‘Ba liu husidalan no to’os sira hodi obriga ema atu tama, atu ha’u nia uma sai nakonu. 24Basa ha’u dehan ba imi katak, husisira ne’ebé ha’u konvida uluk, ida mos sei la koko ha’u nia festa.’”