DGEMs

Maluk sira mak Kristu hadomi,

“Ukun-fuan ne’ebé boot liu”-Fiar: Iha Evangelho ohin nian, Jesus haklaken “Ukun-fuan ne’ebé boot liu”. No ida-ne'e makatu "hadomi Maromak ho laran tomak, la ho kondisaun, no ho hanoin ida de'it". Reflete: “Oinsá importante Maromak iha ita-nia moris loron-loron nian? Ita tau ita-nia moris orasaun nian, misa no sakramentu sira ho sériu ka la’e? Ita fó sasin ba Maromak nia Domin hodi sai hanesan Jesus liu tan?”

“Ukunfuan boot liu hotu”

28Eskriba ida, ne’ebé rona Nia ko’alia no hare oin sa Jesus hatan diak los ba sira, mai hakbesik Nia hodi husu, “Ukunfuan uluk liu hotu mak ida ne’ebé los?” 29Jesus hatan, “Ida ne’ebé uluk liu mak: ‘Rona ba, Israel. Na’i, ita nia Maromak, mak Na’i ida mesak. 30O sei hadomi Na’i, o nia Maromak ho o nia fuan tomak, ho o nia klamar tomak, ho nia hanoin tomak no ho o nia kbi’it tomak.’ 31Ida tuir nia mak ne'e: ‘O sei hadomi o nia maluk nudar o nia an rasik. La iha tan ukunfuan ne’ebé boot liu sira ne'e.” 32Eskriba ne'e dehan ba Nia, “Diak, Mestre.  Ho lialos, Ita dehan katak Maromak ida de’it; la iha tan ida seluk, Nia mesak de’it. 33Hadomi Nia ho fuan tomak, no ho hanoin tomak no kbi’it tomak, no hadomi maluk hanesan an rasik mak boot liu buat karan sunu no sakrifisiu hotu.” 34Jesus, hare katak nia ko’alia ho matenek, dehan ba nia, “O la dook husiMaromak nia reinu!” La iha tan ema ne’ebé berani atu husu buat ruma ba Nia.