DGEMs

Maluk sira mak Kristu hadomi,

“Liafuan ksolok”: Bainhira ita selebra “loron Santo sira hotu nian”, Evangelho ohin fó hanoin mai ita oinsá Jesus nia hakarak atu ita moris ita-nia fiar ho “perspetiva, atitude no hahalok foun ne'ebé hanesan Kristu”. Reflete; “Santo sira ne’ebé moris tuir Jesus nia “liafuan ksolok” ho paz, ksolok no esperanza boot, maski iha nia kruz rasik. Jesus konvida ita atu reza no moris tuir hanesan nee.”

Pe. Philip Heng, S.J.

“Liafuan ksolok sira nian”

  1Hare tiha ema lubun boot, Jesus sa'e ba foho ida. Wainhira Nia tur tiha, eskolante sira hakbesik ba Nia. 2Nia hahu hanorin sira hodi dehan: 3“Ksolok ba ema sira ne’ebé kiak iha laran, basa reinu lalehan sira nian. 4Ksolok ba sira ne’ebé tanis, basa sira sei hetan ksolok; 5ksolok ba sira ne’ebé laran kmaus, basa sira sei simu rai nudar liman rohan. 6Ksolok ba sira ne’ebé hamlaha no hamrook ba justisa, basa sira sei bosu. 7Ksolok ba sira ne’ebé laran luak, basa sira sei hetan laran luak. 8Ksolok ba sira ne’ebé laran mos, basa sira sei hare Maromak. 9Ksolok ba sira ne’ebé harii dame, basa ema sei hanaran sira Maromak oan. 10Ksolok ba sira ne’ebé ema fo terus tan buka justisa, basa reinu lalehan sira nian. 11Ksolok ba imi wainhira, tanba Ha'u, ema hateten aat imi, duni imi no bobar lia bosok hasouru imi. 12Imi  haksolok ba, foti neon ba, basa imi nia kolen boot liu iha lalehan; basa nune'e mos mak sira duni profeta sira ne’ebé mai uluk liu imi.”