29ᵃ Semana Tempu Komun: Tersa-Feira, loron 22, fulan Outubro, 2024, October 22, 2024
Reflection on the WORD
Maluk sira mak Kristu hadomi,
“Vigilância” - Fiar: iha Evangelho ohin, Jesus fó hanoin nia Discípulo sira atu sai vigilante iha sira nia maneira haklaken Liafoun Diak Salvasaun nian. Reflete: atu sai vigilante iha ita nia fiar, ita presiza aprofunda ita nia gratidaun ba Maromak nebé renova ita nia fiar, esperansa no karidade ba Maromak. Ita presiza sai sasin ba ita nia fiar iha tempu konsolasaun no dezafiante sira.
Lk 12:35-38
35“Kesi metin imi nia futukabun no halo imi nia ahi oan lakan nafatin. 36Halo imi an hanesan ema sira nebé hein sira nia na’in wainhira nia mai housi festa kaben nian, atu loke kedas odamatan iha oras nebé nia to’o mai hodi tuku odamatan. 37Ksolok ba atan sira nebé Na’i hetan hader hela wainhira Nia to’o. Tebes, Ha’u dehan ba imi katak, nia sei kesi hena ba nia knotak, sei halo sira tur iha meja, hafoin Nia sei liu housi sira le’et hodi serbi sira. 38Nia to’o mai karik iha ronda rua ka tolu, hodi hetan sira nune’e, ksolok duni ba sira.
Today's Pointers on God's Word
As you read the passage what words, phases or meanings caught your attention?
- Iha evangelho ohin, Jesus la ezizi atu ita hein ho entuziasmo ba nia segunda vinda maibé Nia enkoraza ita atu labele lakon ita nia hateke ba Nia nu’udar Na’i ba ita nia moris nebé sempre presente iha ita nia moris lorloron.
- Jesus hatene diak lós mundu sekular nebé atrai ita nia matan no fuan nebé distrai no halo ita la moris tuir ita nia vokasaun hodi moris tuir Kristu nia hanorin sira iha ita nia moris lorloron.
-
Ita tau Kristu hanesan sentru ba ita nia moris lorloron ka ita tuir de’it mundu sekular nebé agora domina no atrai ita atu buka vida materialista nian? Saida mak ita nia Na’i Jesus dehan ba ita kona-bá qualidade ita nia moris lorloron nian?