DGEMs

Maluk sira mak Kristu hadomi,

“Kantén - Fiar":iha Evangelho ohin, Jesus ko’alia ba ema multidaun: “imi haré ba, keta ka’an rikusoin, basá, moris la depende de’it ba rikusoin”. Reflete: kantén dudu ita atu akumulu nafatin rikusoin mundu nian maski buat nebé ita iha resin ona. Hirak ne’e sinal sira katak ita ladun senti seguru ho ita nia moris, ita la konfia iha Maromak nia providensia tamba ne’e halo ita sai Kantén.

15Hafoin Nia dehan ba sira: “Imi haré ba, keta kaan rikusoi, basá, la’os ema nia rikusoi mak halo ema moris liu.” 16Tuir mai, Nia haktuir ba sira aiknanoik ida ne’e: “Ema riku ida hetan aihan barak housi nia to’os. 17Nia hanoin hodi dehan ba nia an: ‘Ha’u sei halo sa los? Basá ha’u fatin la iha atu rai ha’u nia aihan sira.’ 18Hafoin nia dehan: ‘Ha’u sei halo nune’e: ha’u sei sobu ha’u nia aihan fatin hodi harii ida seluk boot liu fali ida ne’e; iha neba ha’u sei rai aifuan hotu to’os nian ho ha’u nia rikusoi tomak. 19No ha’u sei dehan ba ha’u nia klamar: ‘Ha’u klamar, o iha sasan barak nebé rai hela ba tinan wa’in; hakmatek ba, han hemu hodi haksolok ba.’ 20Maibé Maromak dehan ba nia: ‘Beikten! Iha kalan ne’e  kedas Ha’u sei bolu o nia klamar; sasan sira nebé o rai hela sei sai se nian?’ 21Nune’e mos sei mosu ba ema nebé rai hela rikusoi ba nia an, maibé la sai riku ba Maromak.”