DGEMs

Maluk sira mak Kristu hadomi,

“Fiar no obra”: iha Evangelho ohin, Jesus senti triste ho Farizeu sira nebé professa katak sira moris tuir Lei Moises nian maibé sira la moris tuir saida mak sira professa. Reflete: ita julga ema seluk wainhira ita hirus? Ita oferese tulun ba sira nebé kiak no necessitados? Wainhira ita fiar iha Jesus Kristu, ita presiza hatudu Espíritu humildade no compassivo hanesan exemplo nebé Jesus hatudu ona ba ita.

Jesus dehan ba Farizeu sira, 42susar ba imi, fariseu sira, nebé selu impostu ruku, salsa no modo tomak nian, maibé haluha justisa no domin ba Maromak! Halo duni buat ne’e ba, maibé keta haluha buat seluk. 43Susar ba imi, fariseu sira, nebé gosta tur iha fatin uluk iha sinagoga no haksolok wainhira ema kumprimenta imi iha basár. 44Susar ba imi, basá imi hanesan rate sira nebé ema la haré no ema sama tamba sira la hatene!” 

45Doutor ukunfuan nian ida simu hodi dehan: “Mestre, wainhira Ita ko’alia hanesan ne’e, Ita hateten aat mos ami.” 46Nia hatan: “Susar mos ba imi, doutor ukunfuan sira nian, basá imi tau naha todan liu ba ema, maibé imi rasik la book limanfuan ida mos atu foti nia.