28ᵃ Semana Tempu Komun: Tersa-Feira, loron 15, fulan Outubro, 2024, October 15, 2024
Reflection on the WORD
Maluk sira mak Kristu hadomi,
“Fo Esmola” – Fiar: iha Evangelho ohin, Jesus dehan ba Farizeu sira nebé moris iha hipokrizia nia laran (moris falsu ida). Jesus sugere ba sira atu pratika laran luak ka fó esmola. Reflete: wainhira ita fo esmola ho fuan nebé sériu no generozu, ita sei hetan grasa ‘kura’ ba ita nia klamar. Ida ne’e tamba wainhira ita partilha grasa sira nebé ita hetan husi Maromak ho sira nebé presiza, ita la’o tuir Jesus besik liu tan iha ita nia moris.
Lk 11:37-41
37Jesus sei ko’alia hela, fariseu ida konvida Nia atu han iha nia uma. Nia tama hodi tur iha meja. 38Fariseu hakfodak, basá haré Nia la fase an molok atu han. 39Na’i dehan ba nia: “Imi fariseu sira hamos kopu no bikan nia liur, maibé imi nia laran nakonu ho hakarak atu hadauk sasan no hanoin aat. 40Beikten sira! Ida nebé halo buat nebé iha liur, la halo mos buat nebé iha laran? 41Imi fo esmola housi imi nia laran, no buat hotu sei sai mos ba imi. 42Maibé susar ba imi, fariseu sira, nebé selu impostu ruku, salsa no modo tomak nian, maibé haluha justisa no domin ba Maromak! Halo duni buat ne’e ba, maibé keta haluha buat seluk.
Today's Pointers on God's Word
As you read the passage what words, phases or meanings caught your attention?
- Jesus ko’alia makas ba Farizeu sira tamba sira hatudu katak sira kumpri regras tempu nian maibé sira nia vida interior fiar nian hatudu distorsaun maldade boot.
- Jesus dezafia sira atu hatudu moris nebé konsisten hodi hatudu laran luak ba sira nebé presiza liu husi partilha generozamente grasa nebé sira simu ona.
-
Oinsa ho ita nia moris lorloron? Ita hakonu-an ho ka’an mundu nian, senti orgolhozu ho ita nia-an, laran moras ba ema seluk, no moris iha arogansia nia laran? Jesus dezafia ita atu moris tuir ninia exemplo no expressa ita nia Domin, Kompaisaun no bondade ba ema seluk.