27ᵃ Semana Tempu Komun: Quinta-Feira, loron 10, fulan Outubro, 2024, October 10, 2024
Reflection on the WORD
Maluk sira mak Kristu hadomi,
“A bondade de Deus” – Fiar: Iha Evangelho ohin, Jesus proklama ba Nia Discípulo sira katak wainhira ita “husu, buka no dere odamatan ba buat nebé diak, Maromak, ita nia aman sei haraik mai ita saida mak ita harohan ba. Reflete: Saida mak diak ba ita, tenki sai buat nebé diak ba ita nia futuru hodi tulun ita atu hetan moris rohan la’ek. Tamba ne’e konfia nafatin ba Maromak nia domin hodi haraik mai ita buat nebé diak liu nebé ita presiza dunik iha ita nia moris.
Lk 11:9-13
9Ne’e duni, Ha’u dehan ba imi: husu ba, imi sei simu; buka ba, imi sei hetan; tuku odamatan ba, odamatan sei nakloke ba imi. 10Basá ema hotu nebé husu, sei simu; ema nebé buka sei hetan; no ba ema nebé tuku odamatan, odamatan sei nakloke ba nia. 11Iha imi le’et, aman ida nebé mak sei fo samea wainhira nia oan husu ikan? 12Eh sei fo sakunar ida wainhira nia husu manu tolun? 13Ne’e duni, maski imi ema laran aat hatene fo buat diak ba imi nia oan sira, oin sa liu tan mak imi nia Aman iha lalehan sei haraik Espíritu Santu ba sira nebé husu ba Nia?”
Today's Pointers on God's Word
As you read the passage what words, phases or meanings caught your attention?
- Evangelho ohin ko’alia ba ita kona-bá Maromak nia amor nebé rohan la’ek ba ita hotu. Maromak sempre prontu atu fó ba ita buat hotu nebé ita presiza no mós buat seluk nebé ita la espera.
- Pergunta ba ita, oinsa ita nia fiar, esperansa no domin ba Maromak – incondicioanl mós? Wainhira ita buka Maromak, ita buka duni Nia vontade ka ita hakarak rona no hela nafatin iha ita nia zona konfortu?
-
Ho Espírito Santo nebé iha ita nia fuan, haforsa ita, atu ita bele moris hanesan Kristu e sai sasin ba Liafoun Kristu nian iha ita nia moris lorloron. Ho konfiansa, reza atu buat hotu nebé ita husu sai duni realidade iha ita nia moris.