27ᵃ Semana Tempu Komun: Tersa-Feira, loron 8, fulan Outubro, 2024, October 8, 2024
Reflection on the WORD
Maluk sira mak Kristu hadomi,
“Moris ida ne’ebé nakonu ho sentidu - Fiar”: iha Evangelho ohin, Jesus halo elogia ka gava Maria tamba nia hili moris ida mais profunda no mais significativa. Marta ninia hili hodi sai hospitaleira ladun essensial. Reflete: iha ita nia moris lorloron, ita gasta tempu barak ho buat nebé superfisial mundu nian no lokan tiha tempu atu hakle’an ita nia relasaun profundu ho Jesus?
Lk 10:38-42
38Tuir dalan, Jesus to’o knua ida. Feto ida naran Marta simu Nia iha nia uma. 39Marta iha feton ida naran Maria, nebé tur de’it iha Jesus nia ain hodi rona Nia ko’alia. 40Marta fali, nebé la’o ba la’o mai hodi serbisu barak, hakbesik hodi dehan: “Na’i, Ita la haré katak ha’u nia alin husik ha’u serbisu mesa-mesak? Dehan to’ok ba nia atu tulun ha’u.” 41Na’i hatan ba nia: “Marta, Marta, o la’o kole hodi hanoin resin kona-bá buat barak; maibé buat ida de’it mak folin los. 42Maria hili buat nebé diak liu hotu, nebé ema ida sei la hadau housi nia.”
Today's Pointers on God's Word
As you read the passage what words, phases or meanings caught your attention?
- Hanesan Marta, ita preenche ita nia loron ho atividade oi-oin durante loron tomak. Ita balun senti “importante” ho atividade sira ne’e até ita balun identifika-an ho ita nia serbisu barak nebé ita presiza tau matan.
- Maria hili a “melhor parte” iha moris; Maria hili atu sai “ativamente passiva” wainhira nia rona no reflete kona-bá sentidu kle’an moris nian nebé Jesus ko’alia hela ba nia.
- Se ita laiha “espírito de escutar - dezejuatu rona”, ita nia atividades moris nian nakonu ho barulho maibé sentidu laiha. Ita reza atu buka sentidu nebé kle’an hodi bele senti no haré Maromak iha buat hothotu.