DGEMs

Maluk sira mak Kristu hadomi,

“Kompromisu ho Maromak” – Fiar: iha Evangelho ohin, Jesus ko’alia klaru los kona-bá “Sakramentu Matrimónio” nebé labele iha divorsiu. Ida ne’e tamba, Fen ho La’en desidi atu kompremete-an totalmente ho Maromak atu fiel ba malu iha sira nia moris tomak. Reflete: bele akontese tentasaun ka probaasun oi-oin iha kazamentu ida nia laran, maibé presiza lembra katak Maromak haraik grasa nebé sufisiente atu fen no la’en fiel ba malu nafatin.

Tuir mai, fariseu balun mai koko Nia hodi husu mane ida bele soe nia kaben ka lae? 3Maibé Nia hatan ba sira, “Moises haruka imi halo sa los?” 4Sira hatan, “Moises husik hakerek surat haketak malu nian hodi soe nia.” 5Maibé Jesus dehan: “Tan imi fuan tos mak nia hakerek ukunfuan ne'e ba imi. 6Maibé houri uluk kedas,  Maromak halo sira mane ho feto; 7tan ne'e, mane ida sei husik nia aman no inan sira hodi ba hamutuk ho nia kaben, no sira na’in rua sai isin ida de’it. 8Ne’e duni, sira la'os tan ema na’in rua, maibé isin ida de’it. 9Ne'e duni duni, ema ida  keta haketak fali buat nebé Maromak tau hamutuk ona.”

      10Wainhira sira to'o ona uma, eskolante sira husu fali kona buat ida ne'e. 11Nia dehan ba sira, “Mane ida nebé soe nia kaben no hola feto seluk halo adulteriu hasouru nia; 12no mos feto ida nebé soe nia laen hodi hola fali mane seluk halo adulteriu.”